KellyChu - 賽馬兩盛事12月回歸 莫文蔚首到場獻唱｜Executive日記

馬會年度賽馬盛事「浪琴國際騎師錦標賽」及「浪琴香港國際賽事」12月回歸！屆時除咗有璀璨煙火匯演，馬會仲邀請到亞洲樂壇天后莫文蔚，首度到場獻唱。哇，Kelly真係聽莫文蔚大，唔知到時會唔會唱我首飲歌？

「浪琴國際騎師錦標賽」12月6日會喺跑馬地馬場舉行，屆時香港騎師會同世界級選手同場競技，包括四位曾攻下呢項錦標賽嘅莫雅、馬昆、潘頓及田泰安，以及初次喺錦標賽亮相嘅毛振鵬同金美琪。當晚開幕典禮，仲有五光十色嘅煙火匯演！

至於12月10日會喺沙田馬場舉行嘅「浪琴香港國際賽事」，大家入場除咗感受世界級賽馬比賽，今年馬會仲特別請到莫文蔚擔任開幕表演嘉賓，現場獻唱多首經典名曲。另外，國際知名男高音莫華倫，亦會現身開幕典禮領唱國歌！

Kelly Chu