KellyChu - 鍾珍珍今晚上電視節目 細說粵劇薪火相傳之道 | Executive日記

　　HOY國際財經台（76免費台）今晚8點半播映英文訪談節目《Friday Beyond Spotlights》第3季第11集，主持陳曉峰律師請嚟西九文化區表演藝術主管（戲曲）鍾珍珍，佢多才多藝，身兼粵劇監製、編導以及演員，喺節目上會同觀眾分享，點樣將粵劇發揚光大。

　　鍾珍珍話，粵劇已有200多年歷史，由華北南傳，逐漸廣受國民欣賞，並於2009年被聯合國教科文組織列為人類非物質文化遺產。面對數碼年代，戲曲中心正積極加強與年青一代接軌，例如採用人工智能及LED螢幕等科技，活化演出。

　　佢強調，要將粵劇薪火相傳，首要培育下一代嘅藝人及吸引年輕觀眾。因此戲曲中心多年嚟與教育機構緊密合作，旨在幫助觀眾瞭解粵劇聲、色、藝，歷史背景，及劇情嘅細膩元素。有意入行者無捷徑可尋，必須專心致志投入，練習無間，才能揣摩箇中奧妙。

KellyChu