KellyChu - 青衣城慶祝開業25周年 一連3日派2000萬優惠券 | Executive日記

　　2024年標誌港鐵公司服務市民45載，同時亦係青衣城開業25周年。為慶祝銀禧，青衣城自4月底開始推出連串精彩活動同消費優惠，昨日起更連續3日加推「25周年驚喜生日大禮」，大派20萬份電子優惠券（總值2000萬元）答謝區內居民及顧客一直以嚟嘅支持！

　　由24日至26日，MTR Mobile登記用戶只需掃描商場指定地點嘅二維碼，即可獲得HK$100青衣城指定類別電子優惠劵一份，3款二維碼散布於商場內多個角落，等大家齊齊賺取青衣城生日大禮，共享銀禧喜悅。

　　青衣城亦趁今次機會邀請市民一同回顧社區成長，即日起至6月16日呈獻「廿五載．青衣城」展覽，重溫青衣城多個重要時刻，仲同葵涌及青衣區文藝協進會合作，安排咗多個社區表演團體及區內學校於多個周末帶嚟精彩表演，增添慶典熱鬧氣氛！

KellyChu