KellyChu - 多間博物館入場免費 區選繽紛日玩餐飽 明天齊投票｜Executive日記

區議會選舉明天舉行投票，政府為營造選舉氣氛，鼓勵市民周末留港投票，上月已宣布今日舉辦「區選繽紛日」。今晚喺西九文化區將會有大型戶外音樂會，邀請到近百名歌手及藝人演出，本港7間電子傳媒都會現場直播，Kelly期待聽到本地好音樂！

大型戶外音樂會「共建美好社區大匯演」，今晚7至10點會喺西九文化區嘅竹翠公園舉辦，雖然入場券已經派罄，但本港7間電子傳媒都會現場直播，包括無線電視、ViuTV、HOY TV、鳳凰衛視、香港電台、新城電台、商業電台。

旅發局今晚8點會喺西九藝術公園海濱長廊鄰近海面上演「冬日維港水上煙火」，到9點更有1200架無人機於M+博物館東南方鄰近海面上演飛行表演，定會非常震撼。

除咗夜繽紛活動，日間都有多個繽紛好去處，多間博物館今日免費供市民入場參觀，包括香港科學館、香港太空館、香港藝術館等。香港濕地公園也免費開放。政府亦推出多個歷史建築及古蹟優惠，市民可參與免費導賞。

康文署6個室外場地也將舉辦「區選繽紛樂」嘉年華活動；灣仔海濱有聖誕期間限定活動，時間為下午2點至6點。

Kelly Chu