KellyChu - 講座爆滿 業界後輩取經 公關界猛人實例教路管控危機｜Executive日記

公關業對呢個社會嘅運作，有舉足輕重嘅推動作用，香港公共關係專業人員協會（PRPA)肩負重任，透過交流活動提升公關從業員嘅能力，昨天就舉行咗一個講座，由公關界猛人關則輝同蔡少綿主講，題目係「危機管理」，一位難求，全場爆滿，Kelly掹衫尾入場，真係獲益良多。

疫後復常，PRPA嘅盛事一浪接一浪！繼去年11月圓滿舉辦香港公共關係獎頒獎禮後，甫踏入2024年，便與香港總商會(HKGCC)合作，舉辦一連3個工作坊，包括「危機溝通與品牌/聲譽管理」、「應對媒體環境變化」及「數碼傳播實踐」，講者嘉賓陣容強勁。

講座第一炮，請來退而不休、現在喺大學教書嘅公關界猛人關則輝講危機管理嘅理論同實例，然後由現於港鐵公司任職企業事務及品牌總監蔡少綿接力，以東鐵過海線開通作為實例，詳述如何推動項目，管理可能出現嘅問題，最後變成public engagement(公眾參與)。東鐵過海線開通成為疫情期間少有嘅正能量事件，連好多政商界人士都話係喺陰霾中嘅開心事。

PRPA會長許翠鳳感謝所有講者嘉賓同參與嘅各位：「PRPA多年來與HKGCC合辦公關專業工作坊系列，旨在讓公關從業員強化專業技能，促進業界交流，提升行業發展。」小妹聽完覺得的確係好專業，又貢獻社會良多。

Kelly Chu