KellyChu - 麥當勞向逾萬員工派$500利是 辦年度晚宴酬謝「麥麥耕耘」｜Executive日記

農曆新年係大家一齊歡聚，接迎新一年嘅喜慶日子，根植香港49年嘅麥當勞為答謝員工過去一年盡心盡力，公布將於農曆新年前，向逾一萬名McFamily成員，即連續性合約員工，每人派發港幣500元「麥麥打氣」利是。

同時承接去年熱烈反應，麥當勞下個月亦一連三晚假亞洲國際博覽館舉辦員工年度晚宴，藉以酬謝近8000名員工一直以來嘅「麥麥耕耘」。

香港麥當勞行政總裁黎韋詩話，非常感謝各位同事努力不懈，為無數顧客締造歡樂時刻，龍年將至，向員工送上「麥麥打氣」利是，祝大家龍精虎猛，萬事如意，並與大家一同歡度農曆新年。

踏入新嘅一年，黎韋詩承諾公司會繼續「麥麥支持」團隊，一同延續去年強勁嘅氣勢，本着「味美歡笑 共創共好」嘅品牌使命，再創新高峰！

Kelly Chu