KellyChu - 東涌櫻花園開放喇 下周末85棵「好運來」盛放｜Executive日記

東涌機場島嘅「櫻花園」今日起開放喇！園內一共種有85棵櫻花樹，全部屬「好運來」品種，o依家已經有3分1開咗花，真係好靚好浪漫，大家記得趁住假期去賞櫻喇！

機場運行執行總監姚兆聰就話，「好運來」櫻花較往年種植嘅「廣州櫻」品種更耐熱，更適合香港天氣，櫻花顏色亦更紅，花蕾更扎實。佢又提醒大家，「好運來」櫻花花期約7至14日，昨日展開，預計下個周末係賞櫻黃金時期。

除此之外，機管局到咗元宵節，亦會喺機場客運大樓嘅接機大堂內，擺設室內櫻花。

Kelly Chu