KellyChu - 復活節紅館開演唱會 歌神同歌迷最緊要好玩｜Executive日記

繼去年4月舉辦「許冠傑此時此處演唱會2023」，歌神Sam將再於今年3月30日至4月1日，一連3晚喺紅磡香港體育館舉辦「許冠傑最緊要好玩演唱會2024」！門票今日起於城市售票網公開發售。

阿Sam今次演唱會適逢復活節假期，唔少港人或計劃趁長假外遊，Sam則留港開Show，希望與歌迷同樂，歡度一個開心又難忘嘅復活節。票價亦都同去年一樣，超過一半座位只售$380，只為一齊開心玩夠本！

上次演唱會阿Sam獻唱一系列廣東話名曲，歌迷紛紛表示意猶未盡，一向愛錫歌迷嘅Sam，隨即密鑼緊鼓籌備，終落實成事。是次主題「最緊要好玩」，正如同歌詞「其實開心好簡單」。阿Sam以歌會友，將一如既往邀請歌迷點唱心水曲目，以及邀請觀眾萬人全場大合唱。

今次演唱會也特別請到香港兒童合唱團100位小朋友，與阿Sam合唱《學生哥》及《大家跟住唱》兩曲，Kelly好期待佢哋嘅精彩演出，各位都把握機會買飛喇！

Kelly Chu