KellyChu - 金管局夥尹光拍MV　宣傳防騙咪俾騙徒過肥年｜Executive日記

金管局為進一步警惕市民提防釣魚連結，特別找來「光B」尹光合作拍MV宣傳，打響今年防騙宣傳工作嘅頭炮，光B用悅耳有趣嘅歌詞，提醒大家撳Link之前要諗兩諗，咪俾騙徒過肥年！

金管局日前率先上載逾30秒預告，見到光B大開金口，第一句就唱：「Link胡亂撳錯好頭痕，資料密碼同樣要留神」，押韻入腦之餘，仲一句講出重點，第二句：「各位街坊記緊，撳Link先諗兩諗，咪瞌眼瞓」，聽完兩句已經即刻成個人醒神！

金管局透露，光B喺正式MV中，會以唔同搞鬼造型亮相載歌載舞，透過耳熟能詳嘅旋律及琅琅上口嘅歌詞，揭示多種常見釣魚詐騙手法，提醒大家撳Link前要慎重諗清楚。

Kelly Chu