KellyChu - 昨天隨《頭條》附送　吃喝玩樂樣樣齊 《深圳最火必到好去處》讀者開心取閱｜Executive日記

星島新聞集團昨日推出《深圳最火必到好去處》小冊子，隨《頭條日報》喺港九新界多處免費附送，已全數派給讀者，反應熱烈。小冊子齊集深圳最火熱嘅購物、扮靚、美食及玩樂打卡熱點，內容豐富，啱晒識玩識食朋友仔。

到深圳吃喝玩樂已成為港人假日指定節目，所以繼《深圳必食30間餐廳》後，星島再強勢加推《深圳最火必到好去處》小冊子，其中包括人氣大型超市Costco和山姆，以及人氣新春市集和大型潮流玩樂商場CoCoPark介紹，讓大家隨時滿載而歸。

小妹推薦其中幾個必去好去處，特別係位於福田區嘅譚三娘鮮切牛肉自助火鍋，連台灣歌手蕭敬騰都係座上客，只需139.9元人民幣就可以全場任飲任食，無限量牛肉供應，滿足各位食肉獸！

龍華區嘅壹方天地亦係大人細路放電好去處，除咗運動樂園有多項球類活動，X Game類玩意選擇亦多，包括中國首個世界級室內iFLY風洞飛行體驗店，可以喺強大風力下，感受飄浮空中嘅刺激好玩。仲有攀岩館同馬術課程等等，超多嘢玩！

Kelly Chu