KellyChu - 昨天隨《頭條》 《虎報》附送勁搶手 最新《提紙》助輕鬆了解防騙資訊｜Executive日記

警方防騙刊物《提紙》，話咁快又推出第五期喇！昨日就隨《頭條日報》同《英文虎報》（The Standard），喺全港各區向市民派發。唔少後生仔女同老人家踴躍排隊取閱，相信大家讀完，防騙意識一定大大提高！

警組成「防騙鐵三角」

市民透過《提紙》，輕輕鬆鬆讀幾分鐘，就可以獲取最新防騙資訊同騙案手法。今期內容提到，本港詐騙風險持續高企，警方2023年共接獲4萬宗騙案，受害人損失總金額超過90億元。為咗打擊騙案，警方多管齊下，更組成「防騙鐵三角」，即警方加強情報搜集、執法及宣傳力度；市民亦配合，加強警惕，提醒身邊人；通訊事務管理局辦公室，金融管理局及銀行業界等持份者，則協助識別並攔截詐騙電話，又加快攔截騙款流程，全方位打擊騙案。

今期仲有精華重溫，等大家掌握過去1年嘅熱門騙案手法，同時跟進2023年最受關注嘅大型騙局JPEX案。另外，《提紙》下方附送食肆堂食優惠券，供市民享用。又學到嘢又可以慳錢，正呀！

Kelly Chu