KellyChu - 《大狀王》2025年重演 赴上海展現香港軟實力｜Executive日記

西九文化區管理局行政總裁馮程淑儀（Betty）噚日同傳媒見面，話由局方委約嘅本地原創音樂劇《大狀王》，去年喺戲曲中心公演，大受歡迎，仲引起各地劇迷嘅關注。Kelly好開心得知，《大狀王》計劃喺2025年重演，同年仲會北上上海演出，展現香港嘅軟實力！

Betty話，由西九委約並與香港話劇團聯合製作嘅《大狀王》，喺2014年創作，經8年不斷雕琢，精益求精，達到好高嘅藝術水平，吸引香港同內地劇迷熱烈捧場。據Kelly所知，去年終極加開最後一場，當天剛好係冬至，劇團有啲擔心坐唔滿，點知爆場，當中好多觀眾來自內地，反映佢哋專程來港捧場，認真有品味。Betty認為，《大狀王》日後大有機會在大灣區演出，讓更多劇迷欣賞香港嘅原創藝術作品。

Kelly獲西九文化區管理局送贈一個好靚嘅花瓶咕o臣，中式典雅設計，令人喜歡，據知呢件商品賣得好好，成為故宮博物館嘅名物。

Kelly Chu