KellyChu - 市民「追心」支持香港盛事 Chubby Hearts深水埗「蒲頭」｜Executive日記

飄浮香港多處嘅Chubby Hearts，昨日下午2時至9時快閃深水埗桂林街，吸引不少市民打卡留念。市民張太指，自情人節第一日展出起，就同先生到各區追隨紅心，除咗支持香港盛事活動，亦可趁機遊訪平日唔會去嘅地方，在附近消費及用膳，好開心。

張太笑稱，每日都守着設計中心嘅網站，查看紅心快閃地點，除咗中環及旺角花墟，已去過其他快閃點。張生充當攝影師幫太太影相，二人結伴「遊香港」。張生指，見到有內地遊客喺附近餐廳用膳，相信係因為紅心才到深水埗。

深水埗居民黃先生認為，喺賣電器嘅地方擺設紅心，突兀又特別，但「都幾得意」，故停下來拍照，又說紅心可提醒市民多點愛及關懷。

本地文化企業「活現香港」昨起一連五天推出「快閃追心團」，邀請不同嘉賓分別從速畫、攝影、電影、社區及建築角度，與參加者一同探索城市，把文藝活動與地道文化互相結合，感受城市深度遊。

Kelly Chu