KellyChu - 內地客為港人「平反」　小紅書大讚好客之道｜Executive日記

　　有人話港人冷淡，不過有內地旅客日前就喺小紅書發文「平反」，話自己之前聽聞香港唔少負評，不過親身到港走一趟，不但沒受到任何「歧視」，仲獲得港人嘅熱情招待，一改以往對香港嘅「差印象」。

　　呢位內地旅客發表題為「誰再說香港冷眼內地？給我親自來一趟」嘅帖文，話自己到訪香港唔同景點嗰陣，都遇到熱情好客嘅服務業從業員；例如搭的士到太平山頂，司機非常熱心向佢推薦香港好去處，又介紹平日常去嘅「私藏餐廳」，盡展好客之道。帖文形容，雖然中港兩地民眾可能持唔同證件，但「全國新一代素質都是相同的」。
KellyChu