KellyChu - 直擊踎低安檢 坐姿突出 「巨人」姚明人大開會勁搶眼｜Executive日記

全國兩會正喺北京舉行，會場星光熠熠，《星島頭條》記者昨日就「野生捕捉」到全國人大代表、前NBA名人堂球星姚明。記者當然唔會錯失呢個大好機會，即刻衝上前問佢，話香港近期推動盛事經濟，之後會唔會嚟香港遊玩，或者在港舉辦體育活動等，姚明大哥一如既往含蓄一笑，沒回答問題就入咗會議廳。

　　其實姚大哥身高2.26米，入大會堂安檢嗰陣，已經係全場焦點：由於實在太高，佢要蹲下先過到安檢機。而場內一班中外記者，亦把握機會蜂擁圍住佢提問，風采不減當年！進入會議廳後，姚大哥就立即伏案讀文件，非常認真！

　　另外，記者亦喺見到身兼全國人大代表嘅格力電器董事長董明珠。董明珠話：「中國的經濟我認為未來一定會很好」，呼籲大家要有信心。被問到國家對民營企業嘅支持力度係咪足夠，佢就強調，企業完全依賴政策係唔得嘅，因此要自行創新！
KellyChu