KellyChu - 消防處推《守護同行》介紹工作點滴 | Executive日記

消防處推出新一期刊物《守護同行》回顧2023年工作及展望今年繼續救災扶危，邀請咗幾位消防及救護人員分享他們處理過嘅緊急個案，介紹服務市民期間嘅工作點滴。

　　隸屬黃大仙救護站救護隊目溫少越同隊員，喺去年4月接獲一宗需要緊急救助嘅孕婦分娩個案，該名孕婦當時懷孕只有26周，但胎兒嘅腳部及胎膜已經有少部分被擠出產道外，團隊必須即時緊急分娩，小心翼翼地使用不同工具協助孕婦生產，令嬰兒最終得以順利誕生。

　　港島總區消防安全巡查專隊消防隊長鄭浩林、孫諾賢及消防隊目歐家偉，喺去年9月執勤時目擊一輛私家車突然撞上交通燈柱，馬上為失去意識嘅司機施行心肺復甦法，直至救護車到場將他送往醫院搶救，成功拯救傷者嘅性命。

　　消防人員面對危急情況，能夠冷靜並高效地處理性命攸關嘅個案，全賴日常訓練有素及不斷學習，包括到外地參與賽事及與當地隊伍交流經驗，以及在模擬災難現場實戰演練等等，才能成就這種專業程度。想知道更多消防處如何救災扶危、為民解困嘅故事，掃描二維碼瀏覽《守護同行》電子版閱讀啦。

KellyChu