KellyChu - 港院校4科躋全球十大　港大牙醫蟬聯全球第三 | Executive日記

　　香港嘅大學教育向來不遜色於其他地區，最新QS世界大學學科排名中，更有4個學科躋身全球十大，分別係香港大學嘅牙醫、教育學，香港中文大學嘅護理學，以及香港科技大學嘅數據科學及人工智能。

　　QS最新世界大學學科排名出爐，本港有9間院校共204個學科榜上有名，其中129個學科打入咗全球百大，而港大牙醫更蟬聯全球第三；港大教育學就排名第7，之後第8嘅係中大護理學。科大嘅數據科學及人工智能雖然位居第10，但就係首次上榜。

　　今次排名入面，香港喺亞洲地區脫穎而出，整體上榜學科排名提升27%，但以全球首百強學科排名計，香港上榜總體比率都係不敵新加坡。

　　縱觀全球範圍，美國哈佛大學有19個學科位列全球第一，麻省理工學院同埋英國嘅牛津大學，亦喺多個學科領域表現出眾；中國嘅大學都有8個學科躍進全球前十。
KellyChu