KellyChu - 《頭條日報》旅遊嘉年華明起開鑼 | Executive日記

踏入4月中，係時候為夏天出遊做好準備！《頭條日報》率先為各位讀者提供最佳報團機會，今個星期五至星期日（19至21日），將喺樂富廣場B座中庭舉行「Chill繽紛旅遊嘉年華2024」，屆時會有永安旅遊、美麗華旅遊、中國旅行社、食玩假期、星晨旅遊、關鍵旅遊等城中知名旅行社設置攤位，隨時與到場人士分享最新旅遊資訊。

　　想知道全球各地有咩最新景點、最受歡迎嘅旅行團，以及其他旅遊產品，向現場旅行社了解清楚就最合適喇！適逢近期內地遊熱爆、夏天又有巴黎奧運會舉行，加上日圓匯率低見5.1，咁多外遊選擇，當然要好好安排最啱自己嘅旅遊體驗。

　　重點環節「Chill繽紛慈善旅遊拍賣會」會有超低價旅遊產品及套票即場拍賣，想以超筍價出發旅行，就要mark實4月20日下午3點至4點及4月21日下午4點至5點參加拍賣會。

KellyChu