KellyChu - 項明生國際旅展相展 分享阿富汗廣結善緣 | Executive日記

　　2024香港國際旅遊展昨日落幕，場內有總共60個國家及地區500間參展商，其中21個國家及地區係第一次參展。今年展覽以「重新探索世界」作為主題，第一次有塔利班阿富汗出現喺會展，有關阿富汗以及敘利亞嘅講座亦都全院滿座，證明旅遊業復甦之後，香港市民對於神秘國界嘅出遊興趣，大為增加。

　　塔利班接掌阿富汗政權後3年，正式打開國門，讓外人可以一睹這神秘中亞文明國家嘅豐富自然及人文景觀。旅遊達人項明生喺上個月帶團到阿富汗深度旅遊廿日，係香港少有嘅阿富汗旅行團，獲得塔利班文化部長高規格接見，並保證中國人嘅人身安全，鼓勵香港人到該國觀光。

　　項明生更喺今次國際旅遊展，首次呈獻「阿富汗的美麗與哀愁」個人攝影展，展示最新實地拍攝嘅30多幅動人照片（見圖），讓香港遊客看見這個與世隔絕嘅國度最美的一道風景線。

KellyChu