KellyChu - 主題纜車打卡 設巨型扭蛋機 多啦A夢打開任意門登昂坪360 | Executive日記

創意品牌AllRightsReserved（ARR）喺香港舉辦「100%多啦A夢&FRIENDS」巡迴特展，同時聯乘本地多間企業掀起一陣「叮噹熱」。昂坪360今日起舉行為期兩個半月「多啦A夢」主題展覽，除咗推出主題纜車，昂坪市集亦有不同打卡裝置，包括「100%朋友召喚鈴」巨型扭蛋機、「胖虎世界巡迴演唱會」場景裝置及1：1嘅「多啦A夢」雕塑。

　　繼早前快閃召集1500人喺昂坪合力拼出多啦A夢頭像後，昂坪360率先喺6月14日至9月1日舉行「100%多啦A夢&FRIENDS@昂坪360」，展覽得到文化體育及旅遊局與香港旅遊發展局支持，被列入香港下半年盛事年表。

　　昨日開幕禮上，昂坪360董事總經理董沛銓和ARR創辦人林樹鑫話，希望藉着今次一系列精彩活動和打卡裝置，推動本地遊覽熱潮，喺今個夏天為旅遊業持續注入動力，並期望透過多啦A夢呢個備受全球喜愛嘅經典卡通角色，為社會發放愛和正能量。

　　「100%多啦A夢」主題纜車換上多啦A夢標誌性藍色，並於車身繫上全新登場嘅法寶「100%朋友召喚鈴」，其中一架坐滿咗31隻唔同造型與表情嘅多啦A夢，非常可愛吸引。如果想同多啦A夢近距離接觸，就要乘搭由水晶纜車變身而成嘅載客版主題纜車，透過粉紅色嘅「隨意門」踏入車廂，展開冒險旅程！

KellyChu