Cally - 與毛孩共度體育盛事 北角匯「毛小孩運動嘉年華OlymPETS Carnival」隆重登場 | 商界講呢啲

為咗令主人同愛寵可以共度4年一次嘅奧運會，由7月13日至8月31日，星級寵物友善商場北角匯將舉辦一場盛大嘅「毛小孩運動嘉年華OlymPETS Carnival」，為人寵家庭提供一個夏日絕佳嘅運動同娛樂好去處。今次嘉年華融合咗濃厚嘅法國風情，呼應嚟緊嘅「巴黎奧運」，實行為主人同佢哋嘅愛寵打造一次獨特嘅運動體驗。

　　藉住運動主題，場館內特別設計咗3大體育項目，畀主人同愛寵一齊參與，分別係「人寵慈善瑜伽班」、「『汪』式足球挑戰營」同「毛小孩跆拳道證書課程」。除此之外，主辦單位仲聯手「香港愛護動物協會 」（SPCA）、寵物資訊平台「PET-A-HOOD」同寵物活動專家「肉球城市」，開辦一連串嘅毛孩運動課程同工作坊，加埋6大運動比賽場景，主人同愛寵都可以一展運動英姿，就等呢股運動熱潮擴至「汪喵星球」！

「Hello Kitty！Hello SPCA！」
動物拯救基金展覽及慈善義賣
 

　　另一方面，「動物拯救基金」首次用「Hello Kitty！Hello SPCA！」為主題作慈善展覽，同樣選址北角匯，而為慶祝Hello Kitty 50周年，Hello Kitty更換上愛協督察造型向大眾介紹動物拯救嘅重要工作。同場加映「Hello Kitty！Hello SPCA！」限量版產品慈善義賣活動，香港愛護動物協會將喺指定周末推出「Hello Kitty！Hello SPCA！」限量版產品慈善義賣，包括精美貼紙及紀念布章、時尚感滿分嘅T恤及帆布袋等，當然仲有毛孩專用嘅響球玩具及絨毛毯，歡迎主人同愛寵齊齊選購。

展覽日期：7月13日至8月31日
（早上10時至晚上10時）
慈善義賣日期： 7月13及14、20及21日
（中午12至下午5時）