KellyChu - 小學生「O晒嘴」網上熱傳 油天校長解畫係自然反應 | Executive日記
2024/07/11 00:46:54
網誌分類:
生活
前日小六升中派位放榜,油蔴地天主教小學(海泓道)一名陳同學考入傳統名校華仁書院,佢接受電視訪問時,話自己由星期一至五都去補習,但「辛苦講唔上,因為我覺得讀書係我嘅本分」,說時站喺佢身後兩位同學聽到,一個「O晒嘴」,另一個露出驚訝表情,片段迅速成為網上熱話,又好多二次創作抽水。
油蔴地天主教小學(海泓道)校長陳淑儀解釋事件,話陳同學表現好認真,「佢個character都係咁」,而在左邊表情驚訝嘅學生「好可愛嗰位」,純粹覺得「嘩!咁辛苦嘅?我之前都無聽過佢日日去補習個喎」。校長指,其中一個學生家長「覺得憤憤不平」,希望大家評論時留意,避免影響學生嘅身心發展。
呢個訪問拍到同學仔有趣嘅表情同反應,引起網民注意,有人用佢哋嘅表情做EMOJI,有網台二創呢段訪問,扮演有員工星期一至日都返工,但「辛苦就談唔上,因為我返工係我嘅本分嚟」,旁邊嘅同事「O晒嘴」。
KellyChu
![一名學生接受採訪時,身後兩位同學聽到,一個「O晒嘴」,另一個露出驚訝表情。 一名學生接受採訪時,身後兩位同學聽到,一個「O晒嘴」,另一個露出驚訝表情。](http://static.stheadline.com/stheadline/news_res/2024/07/10/71098/i_src_234447957.jpg)
一名學生接受採訪時,身後兩位同學聽到,一個「O晒嘴」,另一個露出驚訝表情。
回應
(0)
我要發表