KellyChu - 麥當勞首辦DSE打氣Party 周殷廷歌聲「麥麥」為同學加油 | Executive日記

　　麥當勞噚日率先為旗下一眾DSE員工打氣，舉辦「麥當勞DSE考生打氣Party—YT應援特別場」，歌手周殷廷（YT大哥）化身一日麥當勞餐廳總經理，用歌聲替大家加油，同時分享佢追夢路上所遇到嘅苦與樂。

　　周殷廷希望各位同學仔知道，成功人士都會有恐懼，恐懼喺人生中係必然存在，而且追夢路上一定會遇到挫折，所以勇氣係非常重要，成功靠嘅就係不斷嘗試，喺挫折中站起來。佢又分享，自己緊張嘅時候會放慢呼吸，深呼吸可以感受到脈搏喺體內跳動，諗住體內嘅呼吸，就能控制情緒。

　　由7月16日至21日，麥當勞會喺沙田新城市廣場舉行大型DSE打氣Party，內設多款麥當勞大型玩樂裝置，應屆考生可經麥當勞App免費報名參加。而即日起至7月19日，麥當勞App更會推出三大$1震撼美食優惠畀DSE考生，為同學仔「麥麥」打氣！

KellyChu