KellyChu - 日本M記熱香餅漢堡周六強勢登港 | Executive日記

　　為食鬼好消息，香港麥當勞8月1號凌晨起，將全線供應日本麥當勞人氣楓糖班戟漢堡系列（McGriddles），兩款McGriddles——楓糖班戟豬柳蛋漢堡和楓糖班戟豬柳漢堡任揀！麥當勞App用戶更可於7月27號凌晨4時起至31號，搶先享有優先試食福利。

　　此外，動漫迷可能會知道，喺動漫世界裏面，麥當勞招牌嘅M字係會變成W字，為配合動漫節周五開鑼，香港麥當勞將故事場景帶到現場世界，夢幻團隊Team WcDonald’s即日起至30號，登陸灣仔港灣麥當勞，餐廳入面所有M字都係W，更有多位日本動漫角色供粉絲打卡，一齊去反轉動漫世界喇！

KellyChu