KellyChu - 恒地辦暑期課程推全城運動　700學生港將授課 | Executive日記

　　巴黎奧運今個星期六開幕，為咗推動全城運動，恒基地產推出「Breaking New Ground．突破恒常界限」活動，期間同青途發展社區發展協會及凝動香港體育基金合作，舉辦6個暑期課程，安排多位香港運動員，親自教授運動技巧，並分享心得，預計有700位學生參加。小妹睇下陣容，導師包括前港隊代表方力申、劍擊隊「大師兄」張小倫、滑浪風帆港將陳晞文、東京奧運乒乓女團銅牌成員蘇慧音、前港隊羽毛球手葉姵延等，真係星光熠熠！

　　陳晞文就話，今次活動讓基層小朋友有機會接觸滑浪風帆，雖然只係出海一天，但等他們體驗到出海嘅感覺，感受做運動嘅樂趣。與此同時，活動亦可令家長和社會知道，全職運動員都係一條出路。

KellyChu