Cally - 週末商場寵物共融派對 毛孩與主人《夏日貓運會》 | 商界講呢啲

四年一度嘅國際體壇盛事喺巴黎啱啱落幕，最近就有商場舉行咗為主子和寵主而設嘅運動會嚟延續運動嘅熱潮。葵興life@KCC及joy@KCC喺上星期六舉辨咗《夏日貓運會》，由一眾毛孩選手喺商場內嘅「寵物競技場」進行比賽，各位毛孩嘅主人喺場邊緊張打氣，睇住各個選手鬥快走過雪糕筒、獨木橋等障礙物爭取第一名，緊張刺激之餘，亦盡展無窮活力！完場後各主子仲同毛孩們一齊穿上潮爆運動裝，化身成唔同嘅運動選手，一齊參加「毛特兒Fashion Show」𠻹！

如果唔想同毛孩錯過呢場寵物界嘅盛事嘅話，記得9月8日前嚟到商場嘅《夏日貓運會》以田徑、籃球、足球，跳水甚至滑板為主題嘅8大場館打卡影相，分別位於joy@KCC 2樓中庭嘅貓咪滑板場，以及位於life@KCC 3樓嘅夏日喵沙灘、萌貓之跑道、跨欄躺椅貓爪板、籃球躲貓貓、跳水貓之隊，同埋貓之龍門陣之外，仲有life@KCC天台嘅貓運會頒獎台，俾大家帶同毛孩去擺甫士打卡留念！兼唔好錯過週末喺life@KCC 3樓舉行嘅「毛孩微型工作坊」同「寵毛孩及文創市集」，雲集咗多款原創手作及網紅食品，感受人寵同樂嘅周末，歡迎大朋友毛小孩一齊參加呢場寵物共融派對！

Sports‘CATnival’夏日貓運會
日期：由即日起至9月8日
開放時間：上午10時至晚上10時
地址：葵涌葵昌路72至76號life@KCC、葵涌葵昌路51號joy@KCC
查詢︰2400 8000