Cally - 荷里活科技公司CEO謝安： 香港是「數字王國」的重點佈局 | 商界講呢啲

　　人工智能（AI）領域競爭激烈，科技企業數字王國（00547）早前宣布喺香港科學園設立國際創新研發中心，部署深度學習及機械學習方面嘅新項目，於未來半年至一年，將多年來嘅數碼資產帶嚟香港，聚焦本地數碼資產建設。

　　數字王國行政總裁謝安表示，除咗香港向數字王國招手之外，另外亦收到其他地方嘅邀請；當中新加坡嘅政策亦非常吸引，但係經過慎重考慮後，最後仍決定與香港政府合作，喺科學園建立國際創新研發中心。佢認為香港政府好清楚知道呢片土地需要乜嘢，亦清楚知道好似數字王國呢類公司需要乜嘢。香港擁有出色嘅科技人才，對於公司落戶於香港，謝安表示目前業務並無受地緣政治影響，反而受惠於香港獨特地位，得到客戶支持。謝安亦表示，將國際創新研發中心設喺香港，別具戰略意義，除咗受惠香港政策優勢之外，亦可以藉香港地理優勢連接世界不同地區嘅影視行業進行合作。