KellyChu - 炮製特別餐單 出招鼓勵補充營養 金牌「陪月員」助盈盈恢復食欲 | Executive日記

海洋公園大熊貓盈盈上個月誕下龍鳳胎。19歲嘅盈盈已相等於人類57歲，作為高齡產婦，盈盈產後非常疲倦，大部分時間都需要休息，公園嘅護理團隊亦化身成為「陪月員」，並為盈盈調整坐月期間嘅飲食。

　　海洋公園昨日公開盈盈嘅「坐月餐單」，指盈盈生完BB之後，食欲尚未完全恢復，口味亦發生變化，例如以前成個原隻竹筍佢都鍾意食，而家就淨係食筍頭。

　　故此，護理員需要細心留意盈盈每日變化，花心思準備唔同食物，例如竹葉會整成細卷，加入盈盈鍾意嘅味道，包括蘋果、餅乾等等，從而鼓勵盈盈食多啲粗纖維。

　　海洋公園表示，護理員用盡各種方法同食物，鼓勵盈盈進食多啲，希望幫助佢恢復食欲，有助補充盈盈自身及熊貓BB嘅營養。網民大讚團隊悉心照料，紛紛為盈盈加油打氣，希望佢早日恢復元氣滿滿，開始新生活。

KellyChu