KellyChu - 中秋節天公不造美 賞月夜或多雲有雨 | Executive日記

　　下星期二就係一年一度嘅中秋節，天文台早前預測中秋節前後會睇到「超級月亮」，月亮旁更有肉眼可見嘅土星，不過根據昨日公布嘅9天天氣預測，本周後期天氣不穩，中秋節當日大致多雲，有幾陣驟雨，屆時睇唔睇到「超級月亮」就要睇老天爺喇。

　　天文台指，高空擾動會喺今日為廣東沿岸帶來驟雨及雷暴，隨着高空擾動遠離及受一股大陸氣流影響，本周中期華南天色明朗，高溫亦會觸發驟雨。而一道廣闊低壓槽會喺本周後期為南海中北部帶來不穩定天氣。9月17日中秋節正日，天文台預測，當日氣溫介乎27至32度，大致多雲，有幾陣驟雨，日間短暫時間有陽光。

　　此外，天文台日前指，香港經歷咗一個異常炎熱嘅8月，錄得平均氣溫29.6度，係有記錄以來8月份第二高，而18個熱夜，更係有記錄以來8月份最多，連同氣溫遠較正常高嘅6月同7月，今年香港夏季遠較正常炎熱。

KellyChu