長篇劇本故事: 孔慶羊求愛啟示錄 第十三幕

(孔慶羊o係病 床上休息, 睇緊書)

(一個好靚既女人拎住煲湯經過)

(孔慶羊望一望)

護士 (微笑): “章小姐, 妳又黎探妳朋友呀?. 佢出左院路喎.”

章少米 (微笑): “係咩? 佢無通知我呀. 妳地食左野未呀?”

護士 (微笑): “o岩o岩食左喇. 有心呀.”

(章少米揚一揚煲湯)

章少米 (微笑): “咁呢煲湯俾妳地飲喇.”

護士 (微笑): “咁好? 乜野湯黎架?”

章少米 (微笑): “花旗蔘湯黎架!”

(孔慶羊又望番本書)

(時間由1點去到1點半)

(孔慶羊抬起頭, 佢地仲講野)

護士 (好開心): “我真係咁索咩? 人人都咁講架!”

(時間由2點去到3點)

護士 (大笑): “係呀係呀係呀, 黃子華真係好攪笑架!”

(時間由3點去到4點)

(孔慶羊本書蓋住佢個頭)

(章少米拎住卡片俾護士)

章少米 (微笑): “得閒記得黎我間舖頭喎.”

(孔慶羊夢忪忪咁醒過黎)

護士 (微笑): “好好好, 我一定幫襯妳.”

(章少米望一望孔慶羊)

(章少米行到孔慶羊床前)

章少米 (微笑): “我地d精品好多款式架, 你都幫襯下啦.

(章少米拎左張咭片俾孔慶羊)

(孔慶羊卒卒眼, 接過左張咭片)

(章少米微笑向孔慶羊單一單眼)

(孔慶羊立即睜大眼)

(章少米笑著行左去)

(護士聲音傳黎)

護士 (大怒): “快d食藥啦你, 作死牙!”

(孔慶羊望向隔離病床)

(護士差起腰望住病人食藥)