長篇劇本故: 孔慶羊求愛啟示錄 第十五幕

(薛可棋行街, 不知不覺黎到醫院)

(一個身形o係佢後面行)

(兩個影一前一後在行)

(薛可棋猛然轉身)

(孔慶羊食緊腸粉, 嚇到成袋腸粉跌左, 個口仲咬住條腸粉)

薛可棋 (嬌o真): “你做乜跟住我呀?!”
孔慶羊 (咬住腸粉): “我見好似o係妳, 咪想睇清楚d囉.”

(辟可棋微笑拎拎頭, 孔慶羊傻笑)

(佢地去到海旁)

薛可棋: “我心情唔係咁好呀. 所以想出黎行下.”

孔慶羊: “我仲以為妳特登去醫院搵我添.”

(薛可棋想一想)

孔慶羊: “妳有乜疑難雜病, 都可以同我講架.”

薛可棋 (微笑): “你當我係你d動物牙?”

孔慶羊: “其實人同動物都一樣, o係需要其他人去關心架.”

薛可棋: “你有無拍過拖架?”

孔慶羊: “無呀, 不過以前d女仔失戀, 都會搵我傾架.”

薛可棋 (微笑): “都話妳受女仔歡迎架喇.”

孔慶羊 (慌忙): “唔係呀, 個個都話失戀之後會想食野. 於是佢地咪叫我請佢地食囉.

(薛可棋微笑)

薛可棋 (憂鬱): “我懷疑我男朋友對我不忠. 佢呢輪夜晚成日都唔得閒.”

孔慶羊: “或者佢有野做呢?”

薛可棋: “男人夜晚有d咩野好做架?”

孔慶羊: “食腸粉囉. 街口o個間d腸粉真係好好食架.”

薛可棋 (無奈地笑): “咁仲有呢?”

孔慶羊: “同朋友去玩囉. 男人交際下好正常既o者.”

薛可棋 (急問): “咁如果同佢交際係個女人呢? 咁我可以點?”
孔慶羊 (想一想): “妳咁緊張, 不如我做妳探子啦. 橫掂我聽日返工都會見到佢.”

(薛可棋拍幾拍手掌)

薛可棋 (開心): “好呀! 唔該你呀! 不如我地去食野囉?”

孔慶羊 (開心): “我請妳啦.”

薛可棋 (開心): “你幫我做探子, 今次我請你就真啦!”

(兩人說說笑笑行左去)