能瘦身嗎?
2008/08/02 23:09:53 網誌分類: 生活
這幾天,肚子好像出了點問題,像恒指般 "大瀉",幸好,情況不算嚴重,但已經攪到我冇乜胃口了!
若果吃不下東西,那可以瘦身嗎?記得有一次,吃了一碟隔了多天的餸後,腸胃炎了足足一星期,體重也輕了5磅,但真的一點也不好受,我情願做運動減肥。
今早教倉頡時,肚子又突然痛起來,還好是接近下課,所以可以趕回家去,心理影響都好大,回家後,心情會輕鬆點,肚子也不會太痛,若在街上肚痛的話,我會變得好緊張的,最後會攪到越來越痛,想起上次老爸生日飯宴那天,我就差點痛到暈倒呢!
下午,我跟囡囡逛完吉之島,回到家門卻發現門沒有上鎖,原來老公早了回來,早知他這麼早回來,我便在家裡玩煮飯仔,不過,當老公告訴我不會裝修後,我的心情便跌到谷底了!
實在太討厭,怎麼每次提到大裝修,就諸多推搪,說什麼要辦好公事先,說到底只是不想裝修吧!
又會咁嘅~
夏天的關係吧?我最近也好像瘦了不少..
裝修?好玩嫁,好有滿足感。叫佢玩吓啦!
肚仔痛我以前常有,越緊張越痛。食少 D 油膩嘢就好 D 嫁啦!
candy,
肚子痛吃清淡一點吧 !
唔裝修妳嘛唔洗做得咁辛苦囉 !
午安,
在下也經常絞肚子痛,
很難過呢~
快點去到訪醫生大人吧~
我一聽到裝修就煩,
是別人裝修,不是我裝修.....
我想您要睇醫生會好點喔........
講起裝修我家十年前已經「領教」過喇,結果攪到有「手尾根」嘛,現在想起簡直係做咗一場「惡夢」喔........
大裝修?
哎呀!
1.設計,斟數,睇樻,睇厠所,
2.沙塵滾滾 =>搬家 =>租屋 3or4月 =>又搬家
3.搬家 = ( pack 箱 one week + 無2個 day leaves + 拆箱 one week or longer ) x 2 + 忍受口花花肌肉男.
In process
收信,睇進度,收信,睇進度,delay, problems, solution & 激氣,期間的 星期六&日
哎呀,又delay ? 又要租多一個月?
如果唔得, 即是 又要 揾短期租約 => 又加多 (3) x 2
4.$$$$$$$$$$$$$$
5.仲有settle 晒,俾晒錢之後 3個月,才陸續有不對勁的事發生.
6.免費加送 甲醛氣體 3-6個月.(啲木炭無用咖)
7.day leave 一去不復還.人生苦短呀!
最慘嘅係:
辛辛苦苦收埋咗嘅嘢,又要挖番出來.仲要唔俾得佢知.
天呀!
註:聽朋友講過,好的裝修師傅,要排期半年.
又聽朋友講過,宜家裝修有個行規:唔好做得咁好.大家可以多啲job.
嘩!有無搞錯.
---------------------------
to Candy's 公仔(老字從略),
你要多謝我!
Candy,
你好,我係佩妮的朋友,肚痛可大可少,如果經常肚痛,最如搵相熟医生檢查.
另外主婦手你可以試試到藥房買橄欖油(不是食用)加水搽手,然後用全绵手套套過夜試試.
祝身体健康.
裝修是惡夢的開始,別以為家裡會比以前好,事實是會比以前差。
怕怕啊!
找裝修一定要找個好師傅!
小心身體呵!
我老公都係唔肯裝修,攪到我都唔敢請朋友上我的舊屋。
而且總愛側側膊、求其遷就,
相信你丈夫不肯裝修,
就是怕善後~
你今回食錯甚麼了?
絞肚子痛,多難受啊!
當然要第一時間趕回家啦!
近排睇各位網友貼出來啲相, Candy 都好 fit 啊, 係咪需要減肥呀?
妳又成日 book 場同囡囡打波, 運動量都唔少喇!
不如學吓欣賞自己, 唔好對自己太奄尖呢。
幾時再開班教倉頡, 唔該早響。
裝修好煩㗎, 講到裝修, 係男人都想閃!
如果是這樣的瘦身法,只有百害而無一利囉
正正經經,做一吓運動,那真是可以瘦身啦!
總係覺得喺街肚痛嘅機會比喺屋企嘅大好多倍...仲痛好多...
之前唔係傾好裝修喇咩?點解而家會咁架?