情陷辦公室-52

我們選擇了一間門面頗吸引的酒吧，找了一張角位的細檯坐下。通常客人是一男一女，拳手都會很少過來聊酒飲，但可能酒吧生意太差了，又或者那些拳手太口渴，竟然有兩個不湊米氣的女拳手坐下，我已對她們說不要了，她們都硬要坐下來，令我和Lucy沒有機會說話。兩女拳手雖然樣子也不錯，但可惜遇上我在旁的Lucy，級數之差別立見。在酒吧的其他男士，無不對Lucy眼定定，Lucy並不是第一次跟我來這種地方，她已對這些目光見怪不怪了。

那女拳手渴了兩、三瓶酒後，見我們都不太主動，便過檯了。但已令我和Lucy很掃興，Lucy可能渴了少許，頭腦開始轉得不很正常，突然問我很難回答的問題。

「你成日黎飲酒，係咪？」Lucy問。

「冇呀！但係屋企飲少少都有既。唔鍾意一個人去酒吧！好似想搵咩咁...」

「Steve，你有冇嬲我？」

「.... 嬲咩？我冇嬲。依家咪幾好！」自己其實是在說慌。

「我咁走左去，又唔話你知去邊，又唔知幾時番，你都唔嬲？」

說中了，我控制不了。

「我.... 我可以點樣？成一年半喇，我由起初頭一個月，充滿希望咁等妳番黎，至一年後，失望咁成日係度睇以前d相，到最近絕望到唔知做咩好！」我無奈的說。

我將酒杯裡的酒一口氣渴完，我很明顯在發脾氣，可惜我控制不住，我再說：

「我有叫過妳唔好走，我有講過我唔捨得，但我知我仍然係留唔住妳。我覺得自己好冇用好失敗，咩都唔可以知，又咩都唔問得，甚至乎到依家，我都唔敢問妳去左邊！.... 我信妳，就係因為我信妳，我先痛苦到依家。」

Lucy見我很激動，都不敢再說下去，安慰說一句：「係我唔好。」

我說：「我唔強求妳會話比我聽呢年半去左邊，我只希望妳以後有咩事都同我商量，唔好迫自己一個人去面對。」

「.... 其實.... 呢年半發生很多事。」Lucy

「....妳一定好辛苦....發生左咩事？」

「我逃婚。」

「喔！咩話！！」我嚇得目瞪口呆！