情陷辦公室-53

我腦裡一片空白，沒想到是這一回事，逃婚不是小事，被千夫所指，連家人也受牽連。沒想到Lucy承受的，是我的千百倍，Lucy獨自一個人去處理問題，很佩服她的勇氣，我那痛苦比上她，只不過是力牛一毛，我還在她面前發脾氣，她還反過來安慰我，我覺自己慚愧得無地自容，現在我想不到可以說甚麼，怒火全熄了，餘下的時間要收拾殘局，頭痛了！

Lucy：「我冇同佢結婚，我係結婚前兩日返左香港。原本想第一時間搵你，但我怕佢返黎香港搵我，到時撞倒你同我一齊就唔好喇，最後佢真係飛過黎搵我。」

我：「幾時既事？」

Lucy：「半年前，o岩o岩SemiTech收購CKS既時候。」

我：「果個人就係叫Eric？」

Lucy：「係，就係你地依家個新老板。」

Lucy有問必答，我見氣氛不錯，再追問下去。

我：「你同佢一齊好耐？」

Lucy：「唉！仲記唔記得我去加拿大讀書，加拿大d大學好興同商界合作，我讀Year2時，就到左SemiTech實習左幾個月，做左一個Project，就係研究SemiTech產品點樣係發展Asiapac既Market，當中亦有提及CKS。當時認識左Eric，佢份人好有事業心，好有衝勁，佢專心做野果個樣真係幾吸引架。」

@#%$.... 我不是味兒！「你地跟住拍拖？」我追問。

Lucy：「係！係佢追我既。佢大我成十幾年，都係自己任性，唔知兩個人相處係好多方面，又以為年齡並唔係大問題。我地拍左一年後，佢就向我求婚，我當時仲係21咋！」

我：「妳當時唔想結婚？」Lucy的樣貌，從小到大都一定有很多追求者，遇上Eric這個單身王老五，才不會放過她！

Lucy：「更係啦！我知佢已經到左適婚年齡，佢其實對我好好，我又唔係唔鍾意佢，但我仲好後生，咁早結婚我真係冇諗過。唉！我唔知點解，比左個三年承諾佢，叫佢等我三年，我三年後先嫁俾佢，唉！係我害左佢。」

我：「原來係咁！佢真係等妳三年？」

Lucy：「我地仲有keep住聯絡，三年後，原本我都諗住要結婚喇，Visa都整好，不過，就係佢再向我求婚前，發生左一件事，令到我改變左！」

我：「咩事？」

Lucy停了一會兒，然後很認真地望著我說：「就係識左你！」