一念之仁
2008/08/29 00:00:00 網誌分類: 生活
朋友生日那天，高高興興上街去，途中遇上初生的流浪貓，餓得再也走不動了，雙眼被眼膠緊緊黏着，友人抱牠起來，不知如何是好。
家裏養不了，她又不能抱着貓在街踱來踱去，索性帶到獸醫處先檢查，同時廣傳消息，找人收養。
搭上搭找到了我，再問了幾個人，終於有人肯認頭，正當大家放下心頭大石之際，獸醫卻說，小貓有嚴重眼疾，醫好都會變盲，加上嚴重貓瘟，多數捱不過，醫生建議由牠安樂死……
朋友很傷心，覺得要不是自己發現了牠，又拾起來，牠便不會被「處死」。我唯有說，在牠短短的生命裏，可能只有你拾起牠的這一晚，牠才感覺到被擁抱的人間溫暖，吃了一餐不用擔驚受怕的飽飯，因為你的一念之仁，牠才不致橫屍街頭，這樣想，心會好過一點。
關慧玲
政府 養埋一班廢物!!
果個咩愛X動物協會, 亦係廢物聚集地!
我永遠口吾信佢地!
to 立冬，
這星期真的有太多令人神傷的新聞，今日燒死三十多隻流浪貓狗事件，真的太慘了。前兩日內地又有愛護動物人士阻止貨車把貓運到廣東野味市場賣，雙方對峙好久，結果有不少貓渴死和晒死......
我告訴你一個更加令人神傷的真人真事. 很多年前, 我住在深水埗的時候, 看見一間蛇店, 用鐵籠困著幾隻貓, 上下籠都放著很多蛇. 直覺告訴我, 店主企圖殺貓做龍虎鳳. 於是我打電話給防止虐畜會, 但職員回覆, 他們沒有辦法起訴該店主的, 除非真的發現他們殺死了那些貓, 有證據才可起訴. 我說我打電話給你們, 是希望你們可以拯救那些貓, 如果要牠們死了, 才可以起訴, 試問有何意義? 但他說法例是這樣, 他們也無能為力.
你說是否很神傷? 不知現時法例有否改變?
sammisp821,
你真係好心地，好多人沒想過養動物都是對一個生命負責，見得意就當玩具買來玩，搞唔掂就隨手扔出街，根本不當動物是生命，每年復活節前後，一樣好多人買免仔，但免仔其實幾難養，復節後好多都係扔出街了，令人好難過。
其實我屋企果隻倉鼠阿花(因為佢身上既有既花紋而改既)都係零零丁丁一隻咁,但佢無病無痛咁掉左係馬路邊,因為屋企附近有流浪既狗狗同貓貓,而當時佢又安置係一個小型既魚缸仔度,果陣我岩岩想出街,正行去路口撘巴士,我見咁既環境,.......所以帶左佢返屋企養到依家,我帶阿花去寵物店查詢佢大約既幾大,因為好細隻,店員話我知,阿花當時大約3個月左右,我差唔多養左佢年半喇,我上網睇過,倉鼠大約有2年壽命,有時我見佢係度食野,我都會諗,如果我當時無帶佢返屋企,睇怕一早"移左民"都似,我梗係唔係話自己好心啦,不過我係最憎果d不負責任既主人囉.