網球第一課
2008/09/02 22:52:13
網誌分類:
生活
今早是我學網球的第一課,唔記得個場係邊度,只好跟著教練走,都未行到網球場,雙腳已發軟,最好笑是臨出門口前,眼見烏雲密布,便把太陽眼鏡放下,怎料一出門,太陽伯伯便走來跟我打招呼呢!
抵達網球場時,剛巧也有幾個日本人來學網球,教練說她們不喜歡別人把球打到她們的場地,所以千叮萬囑我要小心,誰料我卻連連把球打到她們那兒呢!
不過,教練也讚我打得幾好架啦!但係打完波後,隻大拇指好像起了一個小泡,再繼續打下去的話,那個泡會變得越來越大和堅硬了!
查實我今日真係好叻,教練帶了三十七個網球去,卻帶三十八個網球回家,全都是靠我太用力,打了三個網球出去場外,跟著又拾回五個球,但其中一個已發霉,給教練丟掉了!
回家後,見還有時間,立即沖番個靚涼,費事臭親囡囡啦!
晚上,輪到我跟囡囡打乒乓球時間,她不太聽話,亂打一通,真係執波都執到我減掉數磅,最後,當然係棄場而逃,就在我逃走的時候,有個乒乓球教練立即走上來兜生意,說五佰元學兩個月,每個星期兩小時,包會教識喎!不過,我驚囡囡把他氣死ge可能性大一點囉!現正考慮中......
又夠鐘做豬了,各位早抖啦!
早上學網球, 晚上又陪囡囡打乒乓波, Candy 活力充沛!
開學了,囡囡如何呀...........祝你囡囡學業成績今年好過舊年
你好似為奧運狂熱咁
都好既 做多D 運動 身體自然健康
都好喎,有人教咗自己咪多啲時間做其他嘢啦!
開學啦!呢兩年成績好緊要,着囡囡多閱讀、多做練習呀。仲要考返幾張Cert,見中學要做Portfolio...我都好頭痛... 。香港的家長唔易為!
妳真勤力啊 , 早上網球晚上乒乓球 , 肯定 fit 過到必瘦站哩 !
囡囡是否真的喜歡學乒乓球啊 ? 先問問她再答覆也未遲啊 !
candy,
呢個暑假做了咁多運動,你現在一定很fit~
你真係夠哂運動量了~
早上學完打網球,晚上又陪囡囡執乒乓波!
如果囡囡對乒乓興趣不大,
那就算了,無謂迫她。
免得金錢付出了,
又氣壞老師,又學不到東西。
嘩!你真係好忙呀!
您又做豬呀?........
早晨~Candy
您很勤力做運動呢 很好的親子活動、対身体又有利益
妳真係幾叻㗎啦!
Hi,Candy~
Candy打網球,好有天份喔~
Candy...整個暑期都跟囡囡一起做運動很不錯啊!
計我話不如你做囡囡嘅教練仲好啦~
(你未俾佢激死嘛,哈哈)
仲可以問老公攞番上堂費,幾好~