咁快又一年了

　　去年囡囡在頭條贏了NOD32防毒軟件，真係贏得及時，剛巧我的卡巴斯基（前一年在AM730贏回來的)又夠期，眨下眼，一年好快過，今日又夠期了，所以尋晚忙著更新沒有上網，這次唔玩一年，轉用兩年版便不用煩。

　　尋日接完囡囡放學後，便往新釗記食腩麵，但係她又點了餛飩，不過，這次Ｄ餛飩卻變了味，最激氣是她還是繼續吃，直到最後一粒就掉到我的碗裡去，一擺入口，已經覺得味道怪怪，怎麼她可以吃下這麼多粒的呢？？？！！！也幸好回家後，沒有肚痛肚瀉，總算還得神落。

　　吃飽飽後，我們到運動場執了一小時乒乓球，但係就好激氣，因為她什麼也不懂，也不讓你教，球球都要執，剩係執波都瘦番兩三磅啦！

　　回家後，無無聊聊咁搵個浴磅來秤下，點知近來又瘦了三磅，立即放肆一下，啃埋半個月餅，又跟囡囡分享了一包 "粟一燒"，今次仲唔肥死我，快Ｄ做多兩下運動先囉！