中暑

　　今日雖然有些微風，但大陽仍然猛烈，１０點學網球時，打了兩籃波，我便感到口乾兼昏厥，帶來的水也飲得七七八八，出門時又忘了帶八達通，問教練也沒有，幸好，剛好散紙包有足夠的錢買支水來解渴，但仍是不夠，打多一籃波，水亦飲盡，我向教練說不行了，於是丟低教練自己執波，我便衝到廁所不斷用水洗臉，出來時，教練已執好波，適時，那兒的經理走出來巡邏，見到我說沒有水，便給我把水樽裝滿，休息了一陣子，我便說有水便可以繼續了！

　　教練：你真係死唔蝕抵呀！

　　在這麼猛烈的陽光下，有時真係會打得唔好，於是教練便說打得不好便要罰跑一圈，最後，我被罰跑五個圈，真係要嗌 "救命" 啊！

　　我：教練，你想收買人命咩！

　　教練：你真係冇鬼用，仲枉你有對麒麟臂兼高達腳，又話扒過龍舟添！

　　我：這已是多年前的事，家陣乜體能都冇哂啦！

　　教練：不過，咁大籃波，都算係咁啦！

　　結果打完波後，我便有中暑的跡象 "頭痛"，今晚真的要早點上床睡啊！