拾下拾下

　　今早去學網球，差點給教練罰跑十個圈，經我扭計後，不用跑，但要執哂五十幾個波，都咪話唔辛苦啊！

　　打打下，教練係度嘮嘮叨叨，我聽唔到佢噏乜，咪問佢講乜囉！就係咁，一個波打中佢隻腳，開心死我！因為教練話過打中佢就有五佰大元，點知佢話我古惑，趁佢冇為意就打佢，真係冤枉，今次見財化水添！

　　傍晚去接囡囡放補習時，買了雞蛋仔給她吃，所以在補習社等她吃完才去乘車回家，點知有個導師告訴她漏了一本習作，於是我又問她為何不收好才走，於是她說其它的已經齊哂，但不消一會兒，又一個同學仔走來說她漏了一張紙，真比佢激屎，於是再問她究竟仲有冇遺漏，怎料她又說已經執齊了，但過了數分鐘，又有導師拿著一本TSA來給她，真係暈咯！

　　回家後，已經夠鐘返繪畫，怎料她又除了對波鞋，真係浪費時間，當她抵達畫室後，又忘了致電給我報平安，次次都話唔記得，邊有小朋友咁拾下拾下架？仲要一日拾幾次，真係冇佢修呀！