滾水"6"豬肚
2008/11/20 23:33:29 網誌分類: 生活
尋晚開始在家裡開餐,久後復出第一餐是鮮茄牛肉紅糙米飯,囡囡吃得津津有味,但她因為早上去學校旅行時,吃得太多垃圾小食,弄得嘴唇生了痱滋,那些蕃茄汁令她疼痛非常,我笑說她該吃得鹹魚抵得渴啊!
今早寒冷非常,我一起床便立即把衣服全都換季了!不過,當我穿起防寒內衣時,又覺得好像很誇張,最後換回長袖Tee,加件外套便外出買菜,走兩步個身就開始出汗了!回到家裡時,囡囡還沒有把早餐吃完,弄得我七孔生煙,真係給她氣過半死!
中午我們吃鸚鵡魚和南瓜炆排骨,紅蘿蔔薯仔瘦肉湯很久沒喝過了,囡囡覺得很好味呢!我們兩餐就已經連湯渣全都吃清光了!晚餐又是她的至愛,西蘭花白汁雞皇意粉,今次整得好好味,比起上次更入味呢!
今晚煮意粉時,發生了一件小意外,當我煮意粉期間,不小心把滾水濺到腰部去,因為件衫太薄和太貼身,最後,肚皮給灼傷了,真是滾水 "6" 豬肚,唉!真黑仔啊!
聽日真係要偷下懶至得,又夠鐘上床瞓了,各位早抖!
C a n d y‧下次小心啊。
搽d 湯火膏好快無事~
我重着緊短袖衫,超爽。
會唔會係你個豬肚hi到d滾水,
以為滾水6豬肚呀?
滾水「6」豬肚,唔知熟未呢?