香港中華基督教青年會烏溪沙青年新村

　　剛過去的週末，我們一家三口參加了學校的親子大旅行，目的地是香港中華基督教青年會烏溪沙青年新村，舉辦是次活動的是學校裡的家長教師會，這次我雖然有份參與籌委，但我真的幫不上忙呢！還覺得自己有點兒笨，最後我只負責了製作抽獎箱及抽獎券。原本的副車長因事不能前來，而正車長Ｃｉｎｄｙ亦因為身兼多職，於是我便要擔當車長的工作了，第一次擔當車長，有點緊張，害怕這又害怕那，幸好，在Ｃｉｎｄｙ與及我老公的恊助下，總算順順利利。

　　這個營地的大型活動是我從來沒有玩過的，例如：羅馬水炮（結合越野追蹤，參賽者忽須找到不同的點換取水彈，群策群力，出「腦」又出「力」，築起炮台參戰。）原野覓食（參加者必須在限定的時間內在營地拾落葉、枯枝等作為柴草，再利用原始的點火方式，把指定的食物（茄子、粟米及雞蛋）弄熟。）還有一些是體能大比拼的，如：閃避球、飛碟奪分賽；還有鬥智的射箭、乒乓球、足球、籃球、羽毛球等活動。

　　上午的活動，我們當然選擇了羅馬水炮啦！而下午，我們則選擇了原野覓食，想知我們有沒有濕身，睇下面ｄ相就知啦！

唉！一去到活動場地，大家就頭痛了，幾個女仔又話要同邊個邊個一組，ｄ男仔又有好多人，最後，我建議先分開男女，再分組，最後出了兩隊女子隊

我們派了三個高個子出去學築炮台，其餘隊員則在發呆中

學完築炮台回來後，當然要大隻佬們來築炮台

我們這班女流之輩當然是製作水炮啦

話咁快，ｄ水炮就做好哂啦

我地仲呃多幾個水炮回來添

話咁快，個炮台就整好左啦

紥得唔夠實，又要搶修添

成功啦，我地又射中對方，嘻嘻，射到一大半，發現竟無人對準我們來射，但我地球球都中左人地啊，哈哈

又中左啦，大家都好開心啊

ｖａｎｅｓｓａ，你唔使咁驚青喎～

好緊張呀，唔知今次又中邊個呢～

大家正在擔心冇哂水炮會點，真係傻啦，射完就好閃啦，唔通等人地黎射我地咩～

　　就係咁，好快就玩完啦，我們休息一陣，又要去飯堂準備，行到半路，唔見左ｖａｎｅｓｓａ添，我以為佢會大喊啦，誰知，佢自己搵番爸爸添。飯後，我們開始抽獎，可是一個都抽唔中，唔緊要，下次再抽過啦，抽完獎，我們又要去參加原野覓食。

大家很落力地找尋柴枝

ｖａｎｅｓｓａ真係冇改錯名，竟然係度 "玩泥沙"

這是我們被分配的食物，仲有兩隻蛋蛋，因為怕羞，所以冇出鏡

開始燒啦，好興奮呀～

哇，好大火呀，我發覺我們開始有點像野人呢

差唔多完成啦

 魚就腥左ｄｄ

茄子燒得唔錯，我仲食左好多添～

食飽就四圍瀏覽一下先

四點半，又夠鐘回程了，好開心的一ＤＡＹ呀～