你估佢唔到

今年小妹間公司放嘅新年假特別長。今日先啟市，好順理成章，午飯時間，就一齊去茶樓食開年飯喇！

席間，同事們在談論起今年過年嘅氣候特別寒冷，使擺放在家裡的年花都很遲才開花，但可喜的是凋謝速度減慢。

這個話題，使我又想起年前在舊公司發生喺我身上嘅一件趣事。

記得那是過年前的幾個星期，部門裡各同事都懷著緊張又興奮的心情，一方面要做年度檢討，一方面又期待著這個算是頗長的假期快點到來。

某天，部門裡平時跟我都算有傾有講的老鄉大叔走來問我：simple， 今年過年你要唔要水晶球呀？

要知道，有一段時間小妺迷上玩水晶。當時心諗，唔通大叔知道邊度有靚水晶賣？我收藏中仲未有水晶球喎～嗰刻真係兩眼發光，簡直想o累飯應！

小妹：你喺邊度買架？

語氣好自豪的大叔：咩買呀！！！我自己親手整架？

唔係啩？大叔，你喺邊度學識整水晶球咁勁架？如果真係整到，我都想自己親手整返個喎！

帶住一臉疑惑 嘅小妺：你…你…你…自己整？水晶球喎！！！點整架？

當時我真係好有興趣想知架喎！唔通大叔真係識整水晶球？

已經唔係幾耐煩嘅大叔：都話係自己整咯！你要定唔要呀？

當我仲諗緊，水晶球究竟可以點整出嚟之際，多口Ｃ９已經睇唔過眼我地咁九唔搭八嘅對話，幫口話：simple，大叔係話自己親手“界刂”水仙頭，問你要唔要呀！！！

噢～原來係咁～真係多謝晒咯！