米米一天的生活
2009/02/24 23:27:06 網誌分類: 未分類
早上醒來，lam毛，順便擺甫士俾主人映相。
開飯.....
夾硬塞個頭入去...
食完LAM手。
睡午覺...zzzzzzzzzzzzzzzzzzzzzzzzzzzzzz
瞓完再瞓.................
主人有客到訪，我又要娛賓。
晚上，無聊玩。
用背脊「得」住主人。
無聊碌地沙。
事實是我這個傻主人目光一直盯住牠，又因為米米的一舉一動笑完又笑，可能在米米眼中，我不過是跟著牠的婢女吧啦。我也真覺得，牠才是我的主子呢。
Caroline,
請緊記亞B和你們一起渡過的開心日子，現在只是暫時分別。
Caroline,知妳要考試又要搞亞 B 既身後事,緊係好忙.我看了妳在 blog說這幾天的心情,我都有點雙眼通紅....,好感概呢.(想到如果是貓豬離開我的話真的唔知點算)
各位，對不起呀，失蹤了，要你們擔心！
因為亞 B 的離去，我和外子確實傷心到現在，很多事亦提不起勁的去做！整個心神仍然想著亞 B！
但我們知亞 B 是不想我們傷心的，以往當我們不開心的時間，她總會走來靜靜的陪伴著我....所以這兩天，我亦盡了力暫不去想她，努力溫書，應付考試。但又怎可能呢.....每天忍不住偷偷看她以往的相片....每天上網看大家對我們的關心，淚又不禁流下了....
今晚，終於都考試完畢，可以不用節制的哭了.....
關於亞 B 既身後事，當天早上，我們邊哭邊找著一間叫 "寵愛一X" 的服務公司，他們即日早上接走了亞 B，並在今天火化了，留待我們把她接回家。
至於芝麻糊，出事那天起我讓她跟我入房睡了，第一晚，我們三人都很不習慣呢！因為三個多月沒有睡過床了！至於芝麻糊，她比較細膽的，在當初亞 B 要留醫院的那些日子，她很不習慣一個呢，所以我著她和我們一起睡。
這兩天整日在家伴著她，可能有我在的關係吧，她和以前沒有兩樣，希望亞 B 的離去沒有對她造成影響。
關小姐、CatCat、Joe、Sinsinho、TY、貓婢女 & 各位貓友，很多謝大家對亞 B 和我們的關心，我知她會在美麗的彩虹橋上等待著我和外子的，暫時需要波波和妹妹的照顧了。
還有，我將我這幾天的心情寫了 blog，希望可以和大家分享
http://hk.myblog.yahoo.com/cheungsiulancaroline
呀! 我想起啦 , 二號仔係超怕人嗰個, 難怪你比較少寫佢嘅事, 不過米米個樣就真係齋坐係度都咁可愛 !
sinsinho,
我家骰仔和二號仔是全黑的貓，另外阿kidd就是穿踼死兔的黑白貓。
點解唔換兜?嘻嘻，因為主人貪靚，亦無諗過米米的頭仔咁巨型，搵到就會再換啦。但無論用乜兜，佢都係食到一面都係嘅。
關小姐, 第一次見關家貓全家福, 除了骰仔同阿kidd, 另外一個黑貓好似未出過場喎 ? 叫咩名 ? 除了紅豆小姐, 最上邊的三色貓係咪miu miu ?
點解唔換個大 D 嘅貓兜, 米米個頭咁大, 如果食魚, 食到最後咪一面都係貓糧 ?
Caroline,
大家都知你妳難過 , 阿 B 都會知你愛他架 !!好似 cat cat 咁講, 阿 B 會在彩虹橋上遇到波波, 妹妹, cat cat話波波好乖, 唔會蝦人, 我信架 ! 我妹妹都係, 好嗲, 連聲音都很小, 佢哋依家已經好返晒繼續玩架啦 ! 有緣我哋都會再見,唔好擔心 !
妳要小心選擇善終服務公司, 聽講"再見 x 兒" 服務好差, 有網友身受其害, 夠膽唔將個小動物放入雪櫃都有, 佢哋去到嘅時侯已經聞到味, 嚇得我吖 ! 希望你唔好搵到呢間 !不過冇人會預知發生呢件事, 如果唔係我會叫你搵 "伴著 x" , 呢間信得過, 我妹妹嘅身後事都係搵佢幫手, 可電郵給我取資料, 我並不是買廣告和有任何利益關係, 只不過希望佢哋走最後一程時受到尊重, 參考吓都好, 我的電郵地址 : sinsinho215@yahoo.com.hk
關小姐:
9個貓頭 '聚首一堂' 嘅場面好壯觀呀, 驟眼睇, 有D似豬欄嘅 '小豬'開飯0添,
'做貓最怕有比較', 難得咁先至突顯到 '肥米'嘅份量, 見到佢lam毛好似有D吃力噃, 又爭唔到食, 妳擔唔擔心'肥米'會有 '中年危機'呢? 
佢總算盡忠職守, 發揮哂 '貓嘅絕技', 抵 '愛貓之人' 見到佢, 真係逃唔過佢呢個 '笑裡(少女)殺手'0架...
唔怪之得米米咁肥啦！肥米肥米肥肥米
caroline,
心情平復些了嗎?芝麻糊又點呢?都要小心睇住佢，因為貓會好在意突然無咗個伴，會周圍搵架，你都要保重。後事做了啦?有空講講近況啦。
Dear Caroline,
收到 '亞B' 走了的消息, 各貓友都跟妳一樣難過
, 希望妳別太傷心和自責, 因為大家, 特別係'亞B'也深深感到, 妳已盡了妳最大的力量去保護和愛錫 '亞B', 即使今天牠在這裡的歲月已到了盡頭, 但在牠的心裡, 卻充滿著跟妳和'芝麻糊'一起的美麗記憶, 和妳一樣, 這些記憶是共同擁有而永不磨滅的, 這原是妳們彼此的福祉呀. Caroline, 貓友們會支持妳, 希望妳盡快振作, 繼續好好照顧和愛錫 '芝麻糊', 期望有天再次收到妳的好消息.
各貓友衷心祝願 '亞B' 在 '那裡' 每天有著健康快樂的生活.
Caroline,亞B口既身後事處理好了嗎?芝麻糊知道友伴走口左嗎?有否唔開心呀﹗
慧玲姐姐,亞寶好番未呀!唔睇相都唔知米米個頭真係幾大,個面塞口左落個飯碗到都無哂位啦.哈哈﹗
Caroline, 要留意芝麻糊, 傷心的不只你倆, 芝麻糊冇咗個同伴, 佢都會唔開心架 !
Joe, 收到阿B 的消息, 真係好唔開心, 早前重好番好多, 點知.....
至於那位貓友嘅貓貓, 第三次確診為腹膜炎, 主人差不多崩潰了, 夫婦倆都決定不再為他抽腹腔水, 可能療程真係好辛苦, 而且貓貓在診所發脾氣, 他已被診所的環境嚇怕了, 他們不忍心他再受苦同唔開心, 寧願把他帶回家, 留在身邊, 在熟悉的環境和同伴身邊渡過餘下來的日子.....
關小姐, 打針嘅決定, 我想我同呢位貓友暫時都辦唔到 !!真係辦唔到 !!
唔係全部貓 '哄'埋一齊開餐, 都睇唔出原來米米真係咁 '大舊', 真係失覺晒!
喂喂, 瞓成咁, 又真係幾 '爛噠噠' 喎, 啲優美氣質去晒邊?
TY
Caroline,
我唔係好識講安慰說話, 不過希望您傷心過後可以好快重新振作, 我諗亞 B 都想您生活得開心. 保重.
TY
Caroline,
點解會咁突然 ? 先前重好地地架 ? 好難過 !! 但 , 佢嘅身後事搞咗未 ? 我妹妹之前用 "伴著他寵物善終服務公司" , 老闆蘇先生好細心, 可以到佢嘅網址查詢.
希望阿 B 可以安息, 他這一生有妳照顧愛護, 能在你懷內離開, 是他的福氣, 妳亦要節哀, 記住 , 妳還有芝麻糊要照顧 !!
Sinsinho,之前你說個位貓友的貓貓,現時病況如何呀?有新消息嗎?
caroline,,知到亞 B走口左口既消息,好難過呢.雖然好唔開心,但係要頂住呀.太傷心難過會對身體唔好.亞 B能走在你懷中和有你口既陪伴,大家已是無憾了.牠在另一個地方過著新生活地等你,有緣的話你倆定能再相遇。
Caroline,
若然佢開始唔吸收所有食品同水嘅時侯, 其實亦表示阿b己開始牠的新生活了, 我們佢為人類的, 亦不能幫牠們甚麼, 牠過的一天等於我們三天, 牠能夠在你懷中走已是大家的幸福了, 不要擔心, 彩虹橋有很多好朋友陪著牠的, 有我的波波...有siusiuho的妹妹...還有很多很多, 放心讓牠走吧~~
有一座橋連接天與地，
叫做「彩虹橋」，
因為它有著繽紛的色彩。
橋的這一端，
是綿延的草原，
山丘與河谷，一片綠草如茵。
每當深愛的寵物死後，
牠就會去那個地方。
那裡永遠都有食物、水和溫暖的春天。
老而贏弱的動物再度年輕。
殘廢的再度健全。
整日一起玩耍。
牠們只缺少一樣東西。
少了在地上愛牠們的那個特別的人。
所以，牠們每天玩、每天奔跑，
直到有一天，其中一隻 突然停止玩耍，
抬頭看！ 鼻子掀動！
耳朵豎直！眼睛睜大！
突然從動物群中跑開！
牠看見了你！
當你和你特別的朋友再相遇，
你將牠抱在懷中，
你的臉被親了又親；
你再一次凝視，
信賴你的那對眼睛。
然後你們就可以一起走過彩虹橋
永不再分離。
RainbowBridge
Just this side of heaven is a place called Rainbow Bridge.
When an animal dies that has been especially close to someone here, that pet goes to Rainbow Bridge. There are meadows and hills for all of our special friends so they can run and play together. There is plenty of food, water and sunshine, and our friends are warm and comfortable.
All the animals who had been ill and old are restored to health and vigor. Those who were hurt or maimed are made whole and strong again, just as we remember them in our dreams of days and times gone by. The animals are happy and content, except for one small thing; they each miss someone very special to them, who had to be left behind.
They all run and play together, but the day comes when one suddenly stops and looks into the distance. His bright eyes are intent. His eager body quivers. Suddenly he begins to run from the group, flying over the green grass, his legs carrying him faster and faster.
You have been spotted, and when you and your special friend finally meet, you cling together in joyous reｕｎｉｏｎ, never to be parted again. The happy kisses rain upon your face; your hands again caress the beloved head, and you look once more into the trusting eyes of your pet, so long gone from your life but never absent from your heart.
Then you cross Rainbow Bridge together....
caroline,
聽到這消息，我一樣很難過。
阿b一定感受到你的努力，如今牠去了另一個地方等你，記著跟阿b的開心日子。難得有緣，好好回憶。
保重!!!!!!!!!!!!!!!!!!!!!!!!!!!!!!!!!!!!!!!!!!!
關小姐 & 其他貓友,
好唔開心咁同大家講, 亞 B 今朝早走咗
佢早响星期四開始又唔肯食野同飲水, 又勁嘔添, 今次仲消瘦得好快, 其實一路佢都有 keep 住食藥控制病情, 但唔知點解會咁樣
星期日, 今次我帶她去看第二位醫生, 仲帶埋佢一路食緊既藥去, 去到醫生仲幫我聯絡咗之前果位診所, 傳真咗亞 B 既紀錄, 睇完佢都話那邊已經做得好好........之後我諗返轉頭, 可能佢都覺得無乜仲可以做到啦, 所以佢只有開咗些維他命比佢, 希望可以吸收多些營養先.....
但之後, 亞 B 食乜嘔乜, 根本就算連餵比佢飲既水都嘔返晒出來, 所以我致電給醫生, 佢再開止嘔藥給我......
其實在昨晚, 亞 B 整個人都間斷間斷咁震, 神智開始迷糊, 對我地既所有野已經無乜反應.....直至今朝.....佢在我懷中走了...
希望亞 B 佢下世不用再受病苦