貓私語——剪指甲
2009/04/03 08:46:00 網誌分類: 生活 03 Apr
當貓貓在我腳上印印,而我覺得刺痛時,就是又要剪指甲的時候,人貓又要一輪追逐戰。 剪指甲和洗澡是貓最不喜歡但又必須要做的事情,不定時修剪,指甲會屈曲陷入手掌裏,尤其是生有怪甲的紅豆,不剪就會流血發炎,當然我也不想受貓抓之苦。紅豆每次都發惡大叫,搞到最錫牠的阿寶跳上來咬我的手臂,想救紅豆出生天。 替小甘剪最戰戰兢兢,牠高聲咆哮同時腳仔大力撐,我要用毛巾將牠包裹後緊緊捉着牠,但都免不了身上掛彩,細膽的阿Miu更溜到無影,好難才捉到牠剪一次,好在其他貓都算順攤,曳仔米米此時最乖,完全任由擺佈。 好不容易替九隻貓都剪好了甲,才發覺平時愛圍在我四周的小朋友,都像避鬼一樣躲得遠遠的,拚命黏自己的手腳,直至晚上餵飯前,休想牠們理睬你,貓懲罰人,最常用「睬你都儍」這招了。 關慧玲
終於順利完成cat show義工, 不過card reader壞咗, 睇住呢張相先~~
流浪貓:
因為牠們都愛乾淨o羅!
唔知呢!我家中四大貓王,都唔係好鍾意剪指甲同洗耳仔及沖涼,但又不至於好曳;但要一路剪、一路傾計囉!
不過我有問題想問–以前响報刊睇到嘅資訊話貓貓係唔識睇平面嘢同唔識分顏色嘅,但我班貓各自都有自己喜愛的顏色,尤其叫ya姐嘅,最愛黃色的東西!今天換床冚時,還發覺牠想跳上床時,突然被新床冚的花紋嚇了一跳,原來牠跳上床時,發覺床冚的花紋除了有樹葉紋外,邊沿還有一些條子紋,當牠定一定神後,先用手仔探索一吓,然後還用手仔嘗試摸一摸那些條子紋,知道是平面後,便安然睡在上面!
請問點解啲貓貓,總是喜歡趁阿四換好乾淨床上用品後,便第一時間霸住嚟瞓先?
paumen_eu,
係呀,唔知點解阿寶和紅豆最投緣,最鍚佢,總之紅豆一發出求救的叫聲,阿寶就會過來睇到我實,睇我搞乜鬼 佢最不喜歡米米,偶爾都會打交的。貓王國中都會分黨分派架。
我地好彩 d ,其實小姐都唔太高興o架,佢會一路鬧一路剪,如果我們安慰下,佢就會再長氣 d ,好似真係知我地講什麼,不過,如果剪完真係唔愉快既話,通常我都會醒些零食俾佢,咁佢就順哂 ....
阿寶真夠義氣!
黑白認為指甲鉗係一件玩具,係都要咬,要等她超級眼訓才可好好地剪。如果剪之前同豹紋禮貌地單聲“借D手指黎睇下”佢就乖乖就範並發出咕嚕咕嚕聲,否則立刻彈開。
以前上網睇人哋分享養貓經, 佢哋都會話D貓唔鍾意美甲~沖涼~剪毛, 佢哋會好惡, 好難攪, 我未遇到蕃薯仔之前, 我原全唔相信架, 因為Garfield仔佢哋好乖架, 唔好咬我, 唔會倒轉間屋, 佢哋只會叫唔會走, 佢哋唔郁任我擺佈, Ball Ball仲會企起身沖肚腩仔, 剪甲甲時咁多貓10分鐘都唔駛就剪晒, 如果要收錢, 做佢哋生意都唔錯, 直至遇上蕃薯仔, 佢嘅龐大身型, 佢爭扎時我往往log唔住佢, 不過佢就唔會亂叫, 只會好靜咁爭扎, 但當剪甲甲佢就會用腳仔大力撐, 呢個時候我就要搵helper或用食物利誘佢, 但食完次後又故態復萌~~
對呀, 四隻手腳總要分三五七次才會剪完, 而且雙手都會留下牙印同抓痕呢
係呀, 每次要同我兩只貓剪指甲前, 都要先同佢哋打個招呼, 講掂數先, 如果唔係一路剪一路鬧, 講定先呢, 就合作啲,好相與啲.
所以呢, 貓識聽人話.
TY
身同感受!! 每次同金金及忌廉子剪手指都會見紅!!
哎~~~~~~