貓私語——貓能出街嗎?
2009/04/24 08:46:10 網誌分類: 生活 24 Apr
很多人奇怪,我的貓怎麼能上街?貓不是怕陌生的麼? 一般來說是的,不過有些貓狩獵性和好奇心較強,喜歡探索新氣味。朋友在英國養的貓,每日不開門讓牠出去,牠會跟你死過,第一次朋友怕牠迷路,跟在後頭,只見牠逐家逐戶周圍嗅索,在人家草地曬太陽,之後牠又懂得摸路回家,日子久了,友人也放心讓牠探險去。 我的經驗是,我會試帶牠們到樓下轉一圈,有些緊張得瞳孔放大,手心冒汗,於是你會知道牠們不適宜旅行,但在養過的十四隻貓中,有四隻比較不怕生,Coffee甚至會跟着我行。現在有了貓車,有時我會推米米到公園散散步,當然,貓還是貓,怕牠受驚走失,我還是會為牠們套上貓繩。 為甚麼那麼煩還帶牠們上街?我都想多呼吸外面的空氣,也希望我愛的貓一樣接觸到吧! 關慧玲
其實嗰日個盤不是特別污糟, 但我 "了" 完度門之後已經即時清埋個盤啦 !
Caroline , 咁大件事呀 ! 個盤好污糟咩 ? 妳清潔乾淨未架 ? 唔係芝麻糊聞到味今晚又嚟喇 ! 帶定電筒呀 !!
caroline,
咁精彩??你家的貓真係好掛著你,我只係試過踩在牠們的嘔吐物上....嘩噢,便便就真係未試過。
Caroline﹐嘩﹗芝麻糊送上呢份大禮好厚呀﹐佢可能見妳做野做到好疲倦回家﹐想刺激下妳﹐令妳精神D呢﹐哈﹗
Caroline,
你就好啦~遍地"黃金", "黃金"滿屋, "辛福"滿屋, 佢哋送大禮比你應該開心先係架~~
Hi 大家好,
講起 CatCat既便便 (呀! 唔好意思, 係 CatCat 家既大爺至啱! ) 昨天我回到家, 推開大門之後, 雖然未開燈, 但都見到地下有一度彎彎既啡啡黑黑既東西, 一睇之下, 原來係度大門將芝麻糊既便便夾住了, 當我一推門就將它搓平, 攪到一地都係, 仲要條門縫鬼咁細, "了" 咗好耐先攪掂 !
Sinsinho,
no~no~no~, 我係幸福貓奴, 呢d係佢哋賞賜比我嘅錦囊, 仲要係幸福的便便, 當晚我就收到考試成績合格嘅e-mail~~
嘩 ! Cat cat 係你個袋入面開大咁大件事你都唔發脾氣 ! 封你做貓奴 , 我諗你都冇意見 .
點解我唔放長糧, 蕃薯仔都會咁大件頭嘅???
出面做嘢咁辛苦, 返到屋企見倒班大爺, 咩辛苦都唔記得啦~~雖然蕃薯仔佢哋會呼喝我, 咬我, 唔睬我, 命令我, 比面色我睇, 唔比位我坐, 痾屎落我袋入面(未搵到當事貓), 痾尿喺枱面, 但我一樣會咁開心, 因為佢哋唔百厭嗰陣好鬼得意可愛架, 我爭係記住佢最靚嗰面, 咩都抵返晒啦~~
Caroline, 唔好意思 , 原來妳咁忙 , 星期六 , 日都要返全日 ? 超慘 !! 唉 ! 長命功夫長命做 , 學吓關小姐 , 放假郊遊吓 , 妳睇米爺坐係架貓車出巡幾寫意 , 呼吸吓新鮮空氣 , 人都健康 D , 香港人 , 輕鬆 D 啦 !
放長糧個貓會肥 D 咩 ? 我唔覺噃 , 我屋企都放長糧 , 幾個大帝成日走嚟走去 , 打吓交 , 玩吓 , 消耗晒 D 脂肪掛 , 會唔會芝麻糊而家得一個 , 冇人陪佢玩 , 少咗運動所以肥咗呀 ?
關小姐,
多謝你的提議,會告訴該位網友,其實我不認識她,只是見她上網求救,又見是隻只有五個月的小貓,好怕網友因怕麻煩生厭而有放棄衝動,所以便借此地發問,希望幫到忙,非常謝謝。
Caroline,好彩得sinsinho口既問候,先發覺口甘耐無妳和芝麻糊口既消息,原來妳呢排口甘忙﹐又要攪搬屋,咪連抖氣口既時間都無口羅。
嘜芝麻糊好肥咩,要食減肥糧,佢現在一個人習慣嗎?
Sinsinho,
Hi 大家好,很久沒和大家傾計,但我其實都不時上網睇你地架,呢排正超級忙碌,一方面攪緊新屋既裝修(如無意外可能在六七月會搬屋),第二方面又要應付大量既功課,而第三方面亦都是最超級頭痛 & 用最多既時間,就是公司事,日日由朝做到晚,仲連星期六日都要返埋全日,都好耐無放假了
芝麻糊呢排都 ok 乖啦,我依家開始比減肥糧佢食,都食咗兩個星期了,但佢既身形都好似無乜變化,都仲好橫,唔知係咪因為我放長糧既關係呢!
JAMMOMO,
我知道有貓不愛用某些沙,例如水晶沙等,牠們不習慣那種味道,能不能試試將牠的便便混進貓砂內,讓牠熟悉自己的氣味?還有,貓是要在好relax的環境才能上廁所,試用有蓋的砂盤,放在一角沒人騒擾的地方,或索性將貓盤隱身到櫃子內?或會有改善。
改變貓上廁所的習慣要好有耐性,找個假日睇實牠,一見牠想去,便立即抱入沙盤內,成功一次,以後就好辦了。
Caroline , 咁耐冇妳消息嘅 ? 芝麻糊好嗎 ?
關小姐,不好意思呀,想借你這裡問東西,因見一網友十分煩惱,她家中有一隻五個月大的貓咪,從來不肯用砂盤,只肯在浴室的企缸去水口解決,我建議她抱貓兒到砂盤用剷撥動砂,教貓貓用,但她說以前試過,但一放牠下去,便會很害怕似的掙扎逃走,如果把浴室門關上,貓咪就寧可不上厠所,請問大家有沒有試過這情況,有甚麼好提議呢?謝謝各位。
靚仔佢都LIKE出街, 每次見到你出街, 一開門就衝出去行下. 不過只限係門口/ 走廊到"LOOK"地沙. 但係要佢去大街就驚到佢死死下. 叫到好似捉佢去劏甘.
CatCat,嘜妳個FD口甘樣嚇隻貓貓口架﹐口甘佢咪連在窗邊睇口下街都唔敢口羅﹐都係搞下個窗好D呀﹗
我和慧玲姐姐想法差唔多﹐除口左自己想多呼吸外面的空氣外﹐都想和愛貓分享﹐感受和接觸我們的世界呢。況且貓豬有了貓車﹐去街街一D煩惱都無﹐佢好鍾意口架﹗
sinsinho,嘜空中飛貓咁驚嚇呀!
cat cat 妳個friend 咁大膽 !! 我就唔敢攞佢哋條命博 ! 昨晚從友人口中得知又有一隻空中飛貓 , 重喺晚上10時多 , 太夜條屍都未搵到 , 今朝就唔知喇 ! 唉 ! 可憐 !
我有FD最近養咗隻貓, 佢冇裝紗窗, 最初隻貓成日好奇伸出窗外面, 跟住佢試過將隻貓伸出窗外嚇一嚇佢, 果然從此之後佢唔再接近窗口, 不過我成日都叫佢最好裝紗窗, 以防萬一~~
貓貓有時想出街, 因為佢每次見你喺個門口出去好長時間(幾個鐘), 每次再入嚟又大包小包, 或帶住其他動物嘅氣味, 佢都好好奇想睇吓門後面嘅世界, 又或跟你分享你嘅世界, 所以大家可以試吓抱住貓貓出街, 話比佢知你嘅外面世界~~