磅重記(一)
2009/05/24 18:20:05 網誌分類: 未分類
由於太多讀者問米米有幾重,這天打算認真磅牠一磅。
但米米唔肯上磅。
心情緊張,LAM毛。
既然係咁,唯有夾牠上磅囉......
點知佢死都唔肯企定定,結果磅出來只得五磅。
磅重唔成功,佢施施然跳上衣櫃,擺出一副得戚樣!!!
終於我使出絕招.....你哋估吓我點磅到佢嘅真正體重??XD 下回分解。
由於太多讀者問米米有幾重,這天打算認真磅牠一磅。
但米米唔肯上磅。
心情緊張,LAM毛。
既然係咁,唯有夾牠上磅囉......
點知佢死都唔肯企定定,結果磅出來只得五磅。
磅重唔成功,佢施施然跳上衣櫃,擺出一副得戚樣!!!
終於我使出絕招.....你哋估吓我點磅到佢嘅真正體重??XD 下回分解。
你抱住佢一起磅, 然後, 放走牠, 自己再磅, 減去你的磅數, 咪知牠的磅數囉~
有糉就嚟!
端午節快樂!
Hi Joe,
未呀, 未忙完呀, 新屋依家都仲裝修緊, 估計最快都要 7 月中先會搬得, 之前差不多個個星期六日都要行港九裝修街, 選材料, 同 d 師傅傾要點整點整, 依家七七八八既野都定好, 但就要輪到跟進施工....黎緊要再睇傢俬....最最後先諗搬果一下, 搵搬屋公司, pack 野, 執野再執野...
好彩公司果邊都開始有 d 頭緒, 應該再忙多兩至三個星期啦, 可以正常番 !!
不過最慘既係讀書果邊, 依家仲有三份 paper 都仲未寫, 死線仲最來最近添 !
Caroline, 妳和芝麻糊近況幾好嗎?早前妳話工作好忙,又要搞搬屋,各樣OK了嗎?
人形米米勁"Q"呀﹐妳扶住佢都算企得定丫。嘩﹗得五磅咪好開心口羅。我都好想知結果呀。
五磅 ? 真係講都冇人信 , 淨係對大腿同個 "躉" 都唔止喇 ! 米米對腳好得意 , 其實各位貓友提供嘅方法都好正路 , 我諗個個都係差唔多咁磅架喇 , 唔通關小姐另有高見 ? 好心急想知結果 !
放米米入貓籠, 原籠磅最好, 我估米米有14磅, 袋唔準確
放o野食在個磅度, 米米就會跳上去
抱起米米一齊磅, 之後磅自己......
但係2個一齊會唔會OVERLOAD?? HAHA
出動米米心愛的貓袋?
(舉手)放米米入個膠袋然後放係磅上度磅?
我估吓先...放米米鍾意食嘅食物係磅上面
Old Ox,
我都係咁樣同芝麻糊磅重架 !! 每次我都好嘩然芝麻糊同自己既體重架
你同米米一齊上磅, 然後減去你的體重便可.
Old Ox
係唔係擺個籮係個磅上面,再放米米入去?