貓私語——要不要剪毛?
2009/06/19 08:48:17 網誌分類: 生活 19 Jun
米米披着厚厚的毛皮,冬天最保暖,但夏天就辛苦了,牠要自己找方法涼快。最近牠成隻躺在洗手盆內睡覺,我要洗手也不讓開,用手撥撥牠,牠很不願意抬頭睥睨一下,像說我騷擾了牠。我常不在家,窗是不能開的,最熱的日子,離家前我會調校兩小時冷氣給貓貓,之後牠們就要捱到我回來。 牠的毛毛實在脫落得厲害,日日梳出一個拳頭般大的毛球來,骰仔和小襪一樣是英短,但毛毛不及牠厚,也沒牠甩得那麼嚴重,其他短毛貓就沒有甩毛的問題。如果不勤力梳,我家一到天熱就變成西部牛仔片中的沙漠景觀;滿地滾動着米米淺黃色的毛球,有時骰仔會追着毛球來踢,好好笑。 曾見過有些人會替貓貓剪毛,把一身毛皮剷成Skinhead,只餘下貓頭有毛髮,怪有趣的,看來也涼快,我就想,是否米米也需要剪一下?剪完長出來的會否更厚?把米爺弄成這樣,牠又會不會跟我死過? 關慧玲
關小姐:
唔記得話您知,我係趁仔仔去獸醫度洗牙(要麻醉)叫醫生幫忙, 自己係舞唔掂佢. 寵物店信唔過, 因我見過有寵物店用繩綁住貓頸要佢地就範, 我好反感. 所以一定唔搵寵物店.
TY
關小姐,
我咪係摸實仔仔個肚仔猛話佢剪短毛好靚仔, 見一次哄一次, 仲要比平時抱佢多 d, 咁佢至順番條氣. 總之無論您屋企有幾多貓都好, 主角一定要係佢, 要以佢為中心, 咁事情就好辦喇.
我見過一只剃skinhead 的貓, 剃剩個頭, 只貓一臉不開心, 唔鍾意比人望住. 您要考慮米米受唔受得住呢個刺激 . 我都只係同仔仔剃過一次咋, 陶陶都係英短, 我諗英短的毛質地都幾好, 應唔駛剪啩.
TY
tysun
我就是怕貓貓嬲呀,咁你點哄佢?其他貓有驚咗佢嗎?自己剪有無技術指導??
未搵到安全方法前,我不會開窗的。有無一些能兼美觀和安全的窗網??
Hi paumen_bw,
唔該晒你呀 , 我已經打咗電話比梁生, 但响電話度好似唔係好溝通得到咁, 所以我會搵日落佢舖頭度再問順便可以睇埋辦
Hi, Caroline,
我個回捲網都有類似牙仔的扣,不過只能防止個網捲番上去。這些網是兩年前訂做的,希望現代科技有所改善。你說的網商保證網不會被咬破是很好,但最重要是可否保證網的兩邊不能讓貓貓出入自如。我的貪玩貓女第一天已將自己攝進回捲網和窗之間的窄縫,如果當時隻窗是開的她已拜拜。
兩種網我都是找梁先生做,他的店在灣仔,電話: 2834 6752.
我都試過同我仔仔貓剪毛, 但只係肚底, 我驚冇左層毛遮住會容易整損佢 d皮膚, 而且電動剃刀剃得好貼, 剃完光禿禿, 凈係剃肚底毛, 仔仔都嬲幾日, 可想而知如同佢剪晒全身佢會有咩反應!
TY
關小姐,
當然係自己幫佢剪啦!
另外,除咗蚊網,仲有一隻防貓跳窗花,比蚊網更通風,不防考慮下。
Hi paumen_bw,
我四處搵緊貓網既資料, 給我找著一間聲稱保用 & 絕不可能給貓貓抓破的纖維網回卷式, 仲話保證兩年內如被貓抓破,免費上門更換及維修 , 我曾約過睇辦, 度尺 & 報價, 成屋裝要 $6000+ , 佢話呢款纖維網內裡有 xx (唔係好記得係乜質料添), 所以比一般市面既纖維網堅韌, 我問會不會因為用軟的網(因為要回卷式), 所以出現兩邊離體現象, 佢話一上咗鎖(係可以上鎖的), 個網就會比一 d 好似牙仔咁既野扣實兩邊, 所以唔會離體呢.....仲話當貓仔發癲衝出去都唔會鬆喎, 但我問過我個裝修設計師, 佢幫我問過 d 行家,佢話普通既纖維網既會比貓貓抓破的, 好似你果幅咁, 但裡面有 xx 既佢都無聽過, 我設計師都建議我用佢, 但我諗第一: 信唔信得過呢 ? 無理由搵貓貓條命仔黎試架 ? 第二: 佢個框都幾粗, 話晒我成屋新裝修, 都想又有美觀又有實際安全用途, 所以到現在都仲未決定到囉, paumen_bw, 你可唔可以比你個師傅既 contact 我再問下呢 ?
jlamcy,
見過一隻安哥拉被帶出去剪毛後,身上好被烙過似的有三條大疤痕,醫了好一段日子,令我對坊間剪毛服務沒有信心丫。
meowmeow,
kimkim好得意丫。來好多貓都鍾意瞓洗手盤,你洗手時牠會讓你嗎?
我家是九貓呢,好嘈吵的一家九口,但好快樂。
我都有考慮裝防貓網,但又怕貓的破壞力太強。裝邊隻好呢??貴嗎??
反對剪毛!!!
關小姐﹕
貓貓唔多唔少都會反抗,好似剪指甲同洗耳仔咁,佢哋會習慣,當然要搵人幫手捉住貓貓啦!最重要係剃完毛之後勁讚佢靚,咁就一定無問題。
Hi, Caroline,
照片中的是鋼絲防貓網,像窗一樣整幅向屋內開,很堅固,貓們從來不會嚐試爆破。
但我有另一隻窗用回捲式的纖維網,不可上鎖,牠們第一天已發現兩邊的網和框可輕易分離,又有彈性,幾肥都出入自如。那隻窗我只敢在晾衣服時開一開,而且貓們愛用纖維網來磨爪,或雙手抓住來伸懶腰,兩個星期左右個網已爛熔熔。
我用電話叫那個做網的師傅不要再介紹養貓的客人做回捲式,但他只半信半疑,何況回捲式售價高些。
paumen_bw
關小姐,
這便是我的認親認戚的Kimkim on the basin,ha!
關小姐,
你好,很喜歡看你的貓專欄,真的不敢想像你家中八貓怎能共處?你定把自己所有私人時間"服侍"所有貓大人了!
看到你的'米米盆菜',哈哈,我的八歲小肥貓夏天時也是這樣成隻躺在洗手盆內睡覺,莫非因我隻也是肥大肉厚的黃白色英短? 真的,我的小肥肥Kimkim與米米或許是"疏堂親戚"呢,因牠們的貓樣也幾似的,哈!
paumen_bw,
因新屋正在裝修, 我亦都有打算安裝貓網, 曾打聽過市面一些商舖, 窗網有分防蚊網 & 防貓網兩種, 因貓貓會有可能突然飛揍向窗, 所以一般防蚊網都不夠堅固, 用手按著網兩則會開口呢, 你相中的是什麼款式, 我仲未決定到是用回卷定是活動的 ? 可以上鎖嗎 ? 很煩惱呀 ! 你相中的那款很簡約啊, 我未見過呢, 是纖維網定綱絲網 ? 可否介紹 ?
還有, 你兩個貓貓既背影很可愛呀!
關小姐會否考慮裝網窗? 既安全,又防昆蟲。
caroline,
哈,你最細心,睇到米米就快迫爆洗手盤。
jlamcy,
真的嗎?我只係擔心佢哋唔鍾意,其他貓又唔認得佢?貓貓剃毛時又會不會怕??
關小姐﹕
我家有6隻貓貓,全部已經"削髮為尼/僧",感覺到佢哋好輕鬆舒服,再長出來嘅毛都無甩得咁利害,屋企乾淨咗好多!你都不防試試。
'米米' + 洗手盆 = '米米盆菜' , 貼到實一實, 個洗手盆一定俾佢洗到 '0立0立lane'..
米米.....個面盆就黎唔夠位啦 !!
關小姐,
你有無諗過介紹米爺幫襯浴缸或者企缸呀,又大又舒服,唔駛屈住,之但係新[毛]型囉喎,真係要問過米爺先好落剪呀。