都是猪流感惹的禍
2009/06/26 14:04:46 網誌分類: 經濟
當金融海嘯的影响漸漸減弱時，一個豬流感扑過來，生意即時陷入癱瘓。
我無講錯，係癱瘓！！本來還有四成的生意大概只剩下一成。
香港的旅游業陷入前所未有的困境。
有Ｄ酒店員工每星期返兩日工，有Ｄ旅行社員工一個月返一星期的工，冇嘢做，返工都係你眼望我眼，咬手指。
旅游區的鋪，一日可能只做幾佰元的生意額，而鋪租如尖沙咀一帶基本是要拾幾廿萬每月，聽講尖沙咀xx假日酒店旁有間7字形的地鋪,月租300萬，每日蝕要蝕到何時何月，點頂！！
題外話：早兩日睇新聞，一位姓王做模型的商人，50幾歲，一個大客破產，欠佢二仟幾萬，咁就賣屋賣鋪，廿年的嬴利一鋪清袋，仲欠銀行60幾萬，令人唏嘘！
香港很多人靠旅游搵食，吾明點解政府每日要大力宣傳豬流感，惊死人來港咁，似乎香港已變成疫區，令到人心惶惶。（難得可以做討好市民的事，令到支持度提升，當然要去到盡喇！哈。我估唧）朋友話美國傳媒很少宣傳，上飛機也𣎴須要量度体溫之類的措施，大開門戶。固然這樣的行為非常自私，但美國政府應該係吾想經濟再雪上加霜吧！始終呢個豬流感係不會死人Ｄ。
當然，我只是從小我的角度呻下，吾會好似Ｄ高級公務員咁去游行示威。
個女已經不須要上學了，本來安排去柏思游學，好彩醒目，豬流感一爆發立即取消左。依家很多家長和學校左右為難，錢已交，機票已買，去的話惊半夜電話惊魂，到時飛過去好還是點算..
做游學生意的公司，一年淨得一個旺季，就係暑假。做一季食成年好似做月餅咁。
究竟每年有幾多亞洲的小孩去美國、歐洲、澳洲的國家游學？總之很多很多吧！！所以大家應該知道為何西方的國家個個做駝鳥了吧！哈哈
天佑，香港的工業產業流失，呢個係社會發展的必然經過。
就好似目前大陸沿海一些工廠，已經轉移到內陸或越南等周邊國家一樣。
life哥，係羅，都吾知點安排個女的暑期話动，唉....
我個人覺得，當呢個流感幾粒特敏福就可以治愈時，咁就不應該大力宣揚喇。
經過沙士一役，難免成為驚弓之鳥。
站在醫學角度, 西班牙 有很多死亡 案例. 美國也有.
香港 醫院床位 一早 爆咗, 大家驗身, 私家醫院也要排期, 政府醫院除了門診, 全部要預約. 有啲係 兩年之後, 有啲係5年之後. 仲話要 吸引 國內 客戶 來港就醫.
So, 一但 失控式 爆發. 新聞片段就是 床位爆滿, 影響長期病患者, 影響 急須做手術病人以至失救死亡. 還有 經香港 監管不力, 而傳入內地, 影響內地同胞安全. 又或者, 成為豬豬輸出港...............
到時 對 旅遊業的影響, 就更難 估計.
( 同一國家, 好多省都希望 搶嚿肥豬肉, 都係等 發圍啫. 只要你行差踏錯..... 哈哈.
其實, 香港好快一件不留. 連醫藥港都想 揾香港笨, 你做hightec, 佢發展基礎業務, 然後慢慢吸走埋 香港得嘅高技術. 唔得嗰啲唔要. 香港工業就俾人用呢一套, 送晒俾內地其他省份.
發展高科技 而唔要廠, 就好似 打仗只有 坦克, 無步兵. 航空母艦無 護衛艦一樣.
全世界人都叫香港人 增值, 做航母, 做坦克. 好似好威咁.
其實, 搞 R&D 目的, 就係 量產. 分到俾 R&D 嘅budget, 唔會多, 你估係 微軟咩. 講遠咗..... )
現家對 輕微病情 的 感染者, 己是 在家中 自行隔離, 親屬不派 特敏福.
就好像要 大家 都要 接受 豬豬的存在, 自行製造抗體.
當大部份人都 有抗體時, 而又沒有 因 豬豬 而有 併發証, 而引起 死亡病例.
咁事情就過去喇.
不過, 珍姐 呢隻 鑊, 就 背硬 咖喇.
我女兒的遊學計劃也不知怎好?!
希望隻豬快d走啦
這叫................自作孽不可活
雞珍這類"成功人士"掌握世衛,她當年的屬下怎麽會不言聽計從呢?
其實阿!
大家看一看全世界報道的死亡率就知道,這只是一個普通的流感阿......
可是,我們的官員卻如驚弓之鳥,當然啦,他們想的是;萬一.....我就背鑊.
還有哪些電視臺的記者,唉...........成日戴口罩出鏡,大家都比嚇死啦!!!
我立壞心腸有個陰謀論：等過埋七月一號，政府對豬流感嘅宣傳就會漸漸轉趨低調；睇吓我估得啱唔啱。