東邊有雨、西邊晴
2009/07/14 08:12:06 網誌分類: 經濟
昨天早上期指失守17500後急插,最低見17050才跌定,亞洲東邊下大雨,似有套利盤大手沽貨離場,但晚上歐美股大升,大戶全球操作,舞高弄低的能力令人嘆為觀止。
其實但3pm後,期指走勢一浪高於一浪,已經預示美股未必太差。陸sir曾經講過「淡友不死、大市不跌」,看來7月很多人睇淡,由6月調整,已個多月了,會唔會先來一個絕地反彈,再試萬八?真的不知道。
七月期權方面最大倉位部署,上面18400和19000。17600會由支持位成為阻力位,觀察今天的走勢便知道反彈力是否夠強。唔夠力反彈,則會再次尋底,下面防線是萬七和萬六點。
雖然港股表演插水,但美國的ADR表現反而冷靜,油股已經唔肯跌。昨天照計劃我小注short put 7月中石油,打和價$7.31。
金管局證實有電腦木馬程式盜取密碼,大家記得要安裝防毒軟件並小心保管自己的財物。
美股再次反彈,是否吻別50日線後再插,有待觀察。
http://blogcity.hkheadline.com/jincao 重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議,也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。
東邪, 我都搭咀說聲 謝謝. 明白期權金的基本計算.
彥清風 , 股票期權每一張合約所控制的股數, 是等於該股票一手的數量
在金兄這個例子, 中石油一手係1000股,
你Short Put 7 月份 , 行使價 7.5 的 合約10張 收期權金0.19
如果唔使俾人行使,
咁你的收益就係 (期權金x 股數x 合約張數) - 手續費(SaidHKD 20)
(0.19 x 1000x 10) - (20x 2) = HKD 1,860
如果俾人行使, 你就要預備
(行使價x 股數x 合約張數) +手續費(SaidHKD 100) - (期權金收益)
的資金去接貨, 即 (7.5 x 1000 x 10) + 100 - 1860 = HKD 73,240
咁即係賺 $0.19 ??? 定係賺 $0.19 x ? = ?
彥清風 , 扣除手續費後, 袋袋平安
東兄, tks.
咁如果到期我都唔使接貨, 個 $0.19 期權金我總共可以賺到幾多呀 ???
金兄:
我入左錢啦, 係用atm轉錢的..請查覆
搶答!
彥清風 , 要賺期權金, 可以Short put/Short call, 但係大前題係你要有接貨(Short put) 的現金 和出貨(Short Call) 的股票去控制你的風險, 以及多参照金兄的報告選擇合適的行使價
金兄有個極簡單問題想問, 其實期權金係點樣賺法 ?
eg. 賺期權金$0.19
任我行,Short Put係低位接貨的策略、要留意月份和行使價及期權金。Short Put7月$7.5即預備$7.5接貨,如7月見唔到$7.5就賺期權金$0.19。中海油跟油價上落波幅較大,而中石油夠大又肯派息,比較穩定。
元華,個市一抽就600點咁上,我估淡友散戶就快要投降,被逼買期指平淡倉或買現貨補倉,因為佢地手上並無現貨對沖,沽空期指遇上單邊升市虧損會好大。大戶這兩天可能做測試,或場外有大動作。唔知國內是否有極利好、或利空的政策要出台。政治市好難玩,大家小注怡情,手痕有閒錢不如抽抽新股。
金兄,
我不明白這一句,
//昨天照計劃我小注short put 7月中石油,打和價$7.31。//
你是看淡中石油的價是否跌到7.31?如跌到就可在7.31入到中石油,中石油和中海油你會選那一隻.
金兄,
//淡友不死、大市不跌//
點先知淡友未死得晒?
happyjo,多謝您的祝福。
股惑燈,大戶真係想升就升,想插就插。暫時睇17895係阻力位。都話「淡友不死、大市不跌」。大戶係都要挾死淡友才肯俾個市落。今日枝大陽燭底部係17660,牛熊分界線,估計今個月始終有機會再試一試。
金曹老師,
這幾天電腦出現了些問題,不能拜讀大作,今日才知悉 老師巳找到一個新的工作機遇,真的
為您高興. 恭喜!恭喜!
其實這一D都唔出奇,我們跟老師素未謀面,但老師卻無私的指引我們這班初哥,不辭勞苦,Sunday 都 No off. 希望能邦我們在晚年過些有尊嚴的日子,這種精神實屬難能可貴.在此敬禮.
以您的幹勁及工作態度相信您在新的工作環境一定能大展拳腳,事事如意,一飛沖天!但千萬要注意身體健康,不要太操勞呀!
再祝 前程錦繡!!
各位, 要做淡, 建議睇多一日.
金兄, 如果美金受壓而其他資源類上升既話, 咁美股又可以靠佢地反身,
不過咁攪法同期指倉又走相反局面, 好難睇得明呀... >,
金兄: 可唔可以詳細少少, 舉個實例講下用sp賺期權金或低位接貨. 小飛都想低位儲貨, 當係平均成本法一部份. 我之前miss左部份留言, thx
金兄,
有少少錢手痕, 我都去抽新股先.
small ming
Foxy,最簡單評估反彈力夠唔夠係用昨天的低位和高位做對比,破頂就叫做有力,特別係即日補回下跌裂口表示好友有力反攻。如果反彈超過50%都叫做OK,連30%都無就好弱。當然亦要睇成交量是否配合。
另一個方法睇是否出現一浪高於一浪、或頭肩底形態。今個星期的十大期指大戶分析,見到淨好倉大幅減少,後市應該係偏淡,即上星期高位18258不容易升破,淡友可用呢個位做止蝕、或熊證如要過夜不應買行使價低於18258,或者加多兩百點,過夜起碼18450打靶,唔好太博。有錢手痕,又驚一買就跌,可以考慮抽新股—北京金隅,大戶認購踴躍,跌破招股價的機會唔大。
香港領導股速覽:
http://www.editgrid.com/user/jincao/TOP (第二頁:期指大戶)
金曹
L,
美金眨值、炒能源升值嘛。石油、煤炭值錢就叫黑金囉。
金曹
金兄: 收到 黑金唔係指石油嗎? 點解近日有人話煤炭係黑金? 唔知我記錯 / 睇錯
風,
美元被20日線擋住上唔到,相反黃金就衝上去。因為美國借得太多錢,投資者又再驚美元貶值,油價被經濟影響升得唔多,但黃金出現一支大陽燭想升上去。
香港領導股速覽可以睇到美國的期金、期油報價。今日被追蹤的領導股全線上升,只有一隻百麗#1880下跌。
http://www.editgrid.com/user/jincao/TOP
金曹
東邪,
Editgrid的股價數據資料可在這裡找到。
https://wiki.editgrid.com/display/helpcentre/REUTERS+FUNDAMENTALS
金曹
金大哥 & 各位早晨
qq
金兄及各位早
金曹大哥:
昨天已入數 , 入數紙遲少少e-mail 給你
謝謝 !!!
Ray5826
金師兄, 唔好意思, 我又來班門弄斧啦
下一篇文章我會開始寫一些有關衍生工具 / 期權的文章
如果各位有什麼特別題目想知想問,可以先留言給我。
我再由邊個程度入手。
另外想請問有無人可以教我點用Editgrid / 可以幫手將excel
轉上editgrid, 因為有些資金管理的方法要用Spread 講先清楚
金曹師兄早晨,各位早晨,
金兄, 睇上邊美金圖表好似有蓄勢待發之感, 你點睇 ?
金曹師兄 及 各位, 早晨.
推努力之星.
金曹師兄,
怎樣去評估反彈力夠唔夠呢? Thx!
Brother Kam, Good morning!
金兄、各位早晨!!!
金兄、各位早晨!
金 sir及各位早晨!
早晨金兄及各位
金曹大哥,
早晨,多謝大哥提醒,
金管局證實有電腦木馬程式盜取密碼,大家記得要安裝防毒軟件並小心保管自己的財物。
送上一粒星,返工了,晚上見.