白內障
2009/07/15 09:53:34 網誌分類: 生活
去看眼專科,医生提着手提電腦進來.....
" 父母有冇糖尿? 青光眼?........"
一連串問題後, 示意埋機器check眼.....
"您有白內障,排期九個月後做手術."
病人問 : " 咁快做? 唔係好老咋噃? 熟
嘞 ? (指白內障)"
" 吓? 乜話?"
"人地講咁早做,第日又要做過!"
"边個話?"
"隔鄰亞三姑."
"佢係眼科医生? 專科?" Mr.寸医生問.
"唔係,d人係咁講."
"唔會再生,您信三姑定係我? 手術政府
俾錢,之前test唔包,一隻眼75.00......"
駛唔駛咁寸亞医生?隔鄰三姑話比六婆
聽之嘛,師奶仔,無知婦嬬都窒?
冇d愛心,冇d耐性,識就唔駛問啦!.......
老豆,亞哥,我好驚呀,痛唔痛呀?亞媽呀!
三準備,五注意
1.視死如歸.
2.早睡早起
3.戒酒色
五注意
1.医生会問你攞錢買鏡,要可以 focus 那種.愈贵愈好.
任何不合理收费,忍痛照俾,切勿問長問短,俾得爽,手術爽,命仔緊要架.
Money,如有問题,先告訴 kc ,好人事嘛.如有意外反彈,再找我未遲.
2.術前沐浴洗頭
3.術中.你定眼望燈,切勿亂動,記着视死如歸,便不怕了.
4.術後,不要俯身拿重野,以免鏡片移位,一星期後可跳 Foxtrot,Waltz,但不要跳 Jive,及 Quicksteps
5.视力立即改善,但要一兩星期才完全復元,看见圆波變扁,红交灯,似星有品字形角,不必怕. 去買鷄蛋,隻隻又大又白,記住住望仇人塊面,墨屎酒米豆皮,乜都見晒,乜仇都報了.
Good Luck,God Bless you
真係唔痛? 有乜要準備及注意呀?
我和二嫂两個人四隻眼,全都做了白內障摘除手術,不痛冇手尾,有得做有福了.
做完後記住買鷄蛋,隻隻又白又大隻.盡量避免看人面,每粒墨屎,粒粒湧現.